Friday, 17 April 2015

Hla Kutpui buatsaih dawn

Synod Music Committee chuan kum dangah te pawh an lo neih tawh thin ang leh, Kohhranhoten Pathian faka zai lamah hma an sawnna tur a nih ngei beiseiin July 18 & 19, 2015 hian ram pum huapin Hla Kutpui neih ni se, tiin a rel a. Hla Kutpuiah hi Pastor Bial huapa neih tura beisei a ni a, Bial huapa nei thei lote chuan Kohhran mala neih mai tur a ni ang. Hla Kutpuia  Intihsiakna neih hun  tur hi July 18, 2015 (Inrinni) zan  leh July 19, 2015 (Pathianni) chawhnu  leh zan a ni a. Intihsiakna hla tur leh Thupui sawi tur chu a hnuaia tarlan ang hi a ni e.

Solfa thluk :
1. Aw kan Pathian, i rinawmzia a ropui (KHB No. 29)
2. Vantlang leh i felna lakan (KHB No. 267)

Lengkhawm thluk :
1. Lalpa, i thu hi a hlu ber (KHB No. 562)
2. Aw, hmangaihna ka sawi thiam lo (KHB No. 148)

Thupui :
1. Fak hla  - Rawngbawlna Hmanrua
2. Fak hla - Lei leh Van suihzawmtu
3. Fak hla thiltihtheihna

Wednesday, 15 April 2015

NUTE MAMAWH – RILRU HRISELNA

NUTE MAMAWH – RILRU HRISELNA
Thufingte 17:22; 15:30  Rom 12;9-21

Sawihawnna: Kumin  2014 Kohhran Hmeichhe  ni  a  zir atan kohhran Hmeichhe hruaituten rilru  lam hriselna an  thlang hi a lawmawm hle a,   amaherawhchu   rilru hriselna tih hian a huam zau em avangin kan sawi kim thei dawn lo a ni. Taksa hriselna  lam hi chu mi  tin hian kan ngai pawimawhin kan ngaihven tawh hle a, rilru hriselna lam erawh hi chu a tam zawk chuan kan  la ngaihven vak  lo mai  thei. ‘Rilru hrisel’  tih hi  sawi  fiah  dan  hrang  hrang  a  awm  a, World Health Organization,  (hriselna kawnga khawvel pum huapa hma  latu leh khaikhawmtu ber) in a sawifiah dan chuan, “Rilru hrisel chu  nun  nuam  leh  hahdam, mahni  nihna  leh  theihna inhriatchianna,  nuna  harsatna  lo  thlengte  dawnsawn  leh hmachhawn thiamna, hlawhtling tak leh rah tha tak chhuah tura hnathawh  theihna, midang  tan  leh khawtlang  tana  tangkai nih theihna nun hi a ni” a ti.

Rilru hrisel nun lanchhuah dan: Rilru hrisel tih hian rilru lam damlohna laka fihlim mai a kawk lova, rilru hahna leh harsatna kan nuna lo thleng thin te laka fihlim chauh pawh a kawk hek lo. Rilru hrisel neite chuan anmahniah rilru hrisel zia hrang hrang an nei thin a, chungte chu:
1. Lungawina nun an nei.
2. Dam nuam tihna leh dam chakna an nei a, an nun a hlim thin a ni.
3. An  nuna  harsatna  lo  thleng  thin  te  an  hmachhawn ngamin hlawhtling  takin an sukiang  thin a, harsatnain bawhbeh  chang  nei mah  se,  an  tho  chhuak  leh  a, nunphung pangngaiin an nung leh thei thin.

BIAK IN CHHUNGA INCHEINA

Biak In a inchei dan tur kaihruaina (SEC. 235:20)

BIAK IN CHHUNGA INCHEI DAN TUR LEH AWM DAN MAWI KAIHHRUAINA (SEC. 235:20)
 
I. BIAK IN CHHUNGA INCHEINA
A. Mipa tan :
1) Pathian Biak inkhawmah mahni phak tawka incheina kan neih that-te fel fai taka inbelin inkhawm thin ni se.
2) Rawngbawltute, Pulpit, Maicham leh Lectern vela hun hmangtu tur chuan a theih hram chuan Kohhran mipui pawhin Kohhran inkhawm zahawmna kawnga awm an tihpui theih tur thawmhnaw inbel leh pheikhawk bun te hi a mawi a, kohhran mipui ten inthlahdah anga an ngaih theih tur leh awm lo an tih anga thawmhnaw inbel loh hram a tha.
B. Hmeichhe tan:
1) Pathian Biak inkhawmah thawmhnaw thianghlim leh zahawm pangngai tak inbel hi a tha-in a mawi a. Kekawr hak te, kawr pan lutuk taksa lang tlang hak te, kawr awm zau lutuk leh hnunglam inhawng zau lutuk hak te, kawr ban bul lutuk leh tawt lutuk hak te hi a mawi lova, hak loh a tha.
2) Pathian Biak inkhawmah puan bih emaw pawnfen pangngai fen emaw hi a thain a mawi a, hei hi zawm tlan ni se.
3) Hmai hnawih (make-up) hman hian hmel a ti mawi a, a mawi tawk hman thiam erawh a tha.
4) Inneih ni a Mo incheina-ah hian a mawi leh zahawm tawk ngaihtuaha inthuam ni se.
 
II. BIAK IN CHHUNGA AWMDAN MAWI
Kohhran ho ten Pathian nia-a Biak In-a kan inkhawm hian Biak In chhung awm dan tur kan infuih thar reng a ngai a, chutiang atan chuan a hnuaia mi te hi zawm tlan tum ni se:
1) Inkhawmna-ah Bible leh Hla bu ken thin tur a ni a, thu zir tur bik awm tumah chuan zirlaibu ken thin a mawi.
2) Biak In-a luhin thutfel veleh tawngtai tur a ni. Inkhawm chhung chuan chhuah loh hram ni se, loh theih loha chhuah a tul pawhin tha taka luh leh ni se, tul bik thil a nih loh chuan inkhawm ban hmain haw loh hram ni se.
3) Biak In chhung hi kan zah tur a ni a, bula mite nena inbiak te, thil ei te, thial leh hmuam lam chi te tih loh tur a ni a, mit rin leh inhnawih lam chi te pawh tih loh tur a ni.
4) Biak In-a luh dawnin Mobile phone hmeh hlum (Switch off) emaw, ri chhuak lo (silent) emaw a dah thin tur a ni a, Biak In chhungah hman loh tur a ni.

Source : Synfo

Saturday, 11 April 2015

KOHHRAN HMEICHHE PROGRAMME

KOHHRAN HMEICHHE INKHAWM
PROGRAMME
(14.4.2015)
A hmun : Biak In
Hruaitu : Pi C. Lalngaihzuali
|antu : Pi Lalrampuii (G-4)
Thuchah : Pi C. Lalngaihawmi
Thilpek lakhawmtu : Pi Kapmawii &
  Pi Lalengzauvi (G-4)
April thla khuangpu turte :Pi M.S Sangzuali
 Pi Zamveli

KRISTIAN THALAI PAWL PROGRAMME

KRISTIAN THALAI PAWL PROGRAMME

THAWHTANNI ZAN
A hmun : Biak In
Hruaitu : Upa R. Lalthlengliana
Tantu : Nl. P.C Lalruatfeli (Z)
Thuchah : Pu Lalmalsawma
Faith promise hlantu : Nl. F. Lalmuanpuii

April thla KTP inkhawm leh fellowship zai hruaitu turte:
Tv. Lalawmpuia & Tv. Thanglala
Hla hriltu : Nl. Lalhmingsangi
Sound i/c : Tv. Zoparliana

FELLOWSHIP PROGRAMME
A hmun : R.C. Hall
Hruaitu : Nl. C. Lalnunpuii
Tantu : Nl. Lalmuanpuii (M)
Thutawi : Tv. B. Lalremkima

NAUPANG SUNDAY SCHOOL PROGRAMME

 NAUPANG SUNDAY   SCHOOL  PROGRAMME
P R IM A R Y D E P A R T M E N T
H r u a i tu : Pi Lalbiakchhungi (Leader)
| a n tu : Augustine M.S Dawngkima
P a n g p a r
k h aw i tu : Pawl 4-na
M o n i to r s : Pawl 2-na
Z ir la i : Suria Sipai te tlawm thu.

J U N IO R    D E P A R T M E N T
H r u a i tu : Pi C. Lalngaihzuali, Leader
T a n tu : Lalhmunsiami
P a n g p a r
k h a w i tu : Lalruatfeli, Debby Lalhruaitluangi, Judy
  Vanlalhriatpuii, Ramengmawii
M o n i t o r s : Lalruatsanga, Zonunmawia, Malsawmtluanga,
  C. Malsawmhlua
Z ir la i : Ruthi- Hmeichhe rinawm

IN T E R M E D IA T E    D E P A R T M E N T
H r u a i tu : Pu David Rothangpuia (Leader)
| a n tu : Laltleipuii
P a n g p a r
k h a w i tu : Lalnunpari & Ruthi Lalrimawii
M o n i t o r s : Pawl 3-na
T h i lp e k h la n tu  : Pu Pautingo
Z ir la i : Thuthlungthar bu lo pian chhuah dan.

S A C R A M E N T    D E P A R T M E N T
H r u a i tu : Pu T. Lalfakzuala(Leader)
| a n tu : Ramngaihawmi
P a n g p a r
k h a w i tu : K. VL Hmingthanpuii
M o n i t o r s : Jacob Lalsangthanga & Remlalmuanpuia
T h i lp e k
la k h a w m tu : Lalhriatkimi
K h u a n g p u : R. Vanlalmawia
H la h r i l tu : Lalrinzuali
Z ir la i : Sakramen awmzia

S E N IO R     D E P A R T M E N T
H r u a i tu : Pu Lalmalsawma (Leader)
T a n tu : P.C Lalruatfela (Pawl 4-na)
P a n g p a r
k h a w i tu : K. Vanlalhminghlui (Pawl 4-na)
M o n i t o r s : Vanlalhruaia & Ramthianghlima (Pawl 5-na)
Z ir la i : Chhandamna

Kohhran Inkhawm Programme

HRUAITU : UPA ROSIAMLIANA
(Dar hmasa 6:30 pm; tan hun 7:00 pm)

INRINNI ZAN (Kohhran tawngtai inkhawm)
(Family Guidance & Counseling Campaign)
Tantu : Pi Kapthuami (bial-6na
Thusawi tu : Rev. Samuel Lalrinsanga

PATHIANNI CHAWHMA:SUNDAY SCHOOL
Tantu : Pi C. Lalthangpuii (bial-2na)
Zirlai : Pastor Biaksailova

PATHIANNI CHAWHNU
Tantu : Pi Lalringzovi (bial-4na)
Thuchah : Pastor H. Lalrinmawia

PATHIANNI ZAN
Thuchah : Pastor Lalsangbera
Zaipawl : Kohhran Zaipawl

Pavalai Programme

(16.4.2015)
A hmun : Pu C. Lalrindika in
Hruaitu : Pu H. Hrangchhuana
Tantu : Pu Zarzoliana
Hun hmandan tur  :   Sharing na hun hman tur a ni

April thla chanvo neitu tur te


 Usher :

Tv. C. Laldinpuia (Leader)
Tv. Joseph Lalhminghluna
Nl. Lalremkimi
Nl. Lalmalsawmi

Thilpek lakhawmtu turte :

Nl. C. Lalnunpuii (Leader)
Nl. R. Malsawmtluangi
Nl. Lalremruati
Nl. R. Vanlaldampuii

PENIEL EDITORIAL

Sipai duty lai, Ralthuam pai miah lo chu an zahawm lo mai pawh nilovin an hlauhawm lova, an zuamawm em em zawk angin ringtu, Krista zuitu intite, kan Pathian Biak In pana kal, Bible leh Hlabu keng miah lote hi chu hmelmapa Setana hian min va hlau lovin min va zuam dawntak em! Ni e, Sunday School leh Pathianni zana kan inkhawm kal hi ngun takin en ila, inkhawm tur si, Bible leh Hlabu keng miah lo hi kan va tam sawt tak em! Bible leh Hlabute hi kan ralthuam pawimawh tak a ni tih hi kan theihnghilh ta em ni? Nge, ral do tur hian kan in buatsaih lo hrim hrim zawk? Biak In-a hlabu keng lo kan tam ta lutuk hi a veiawm ta viau mai! Hlahril kan uar ta lutuk hi a chhan nia ngai pawlte pawh kan awm. Mahse anihna takah chuan hlahril vang lam ni lovin ngaih pawimawh loh vang ni ber zawk in a lang. Sipai/Police ralthuam keng chu an zahawma, an bulah misual an ti thin angin Ringtu Bible leh Hlabu keng tlat \hinte bulah chuan thlemtu pawh hi a ngampa tak tak thei meuh lo niin an sawi thin.Chuvangin ringtute hian kan ralthuam pawimawh tak hi kan Pathian biak inkhawmah hian i pai theihnghilh lo teh ang u

Thursday, 2 April 2015

CONSULTATION ON CONFESSIONS OF FAITH OF PCI

March 19 & 20, 2015 hian Presbyterian Church of India (PCI) General Assembly bultumin Tourist Resort Centre, Berawtlangah Thurin chungchanga inrawnkhawmna, Consultation on Confessions of Faith of PCI neih mek a ni a, Synod hrang hrang atangin palai 40 vel an tel a ni.

 March 19, 2015 khan Programme hawnna inkhawm neih a ni a, Rev. G.S. Lyttan, PCI Administrative Secretary-in a kaihruai a, Rev. Lalzuithanga, Senior Executive Secretary, Mizoram Synod-in Inlawmna thu sawiin Keynote Address a pe bawk. 
 
Chhun lamah paper zirho a ni a, chawhma lamah Rev. D.S. Sohklet, Sr. Executive Secretary, KJP Synod Sepngi paper buatsaih ‘Article No. 1,2,3 & 4’ zirho a ni a, chawhnu lamah Rev. Dr. J.F. Jyrwa paper buatsaih ‘Article No. 5,6 & 7’ zirho leh a ni. Zanah Pathian biak inkhawm a awm ang a, Rev. G.S. Lyttan, PCI Administrative Secretary-in inkhawm a kaihruai ang a, Rev. Dr. J.F. Jyrwa hnen atangin Pathian thuchah ngaihthlak a ni ang.
 
Vawiin (March 20, 2015) chawhma hian Rev. R. Lalthanmawia paper buatsaih ‘Article No. 8,9 & 10’ zirho a ni ang a, chawhnu lamah an thupui zir atanga rawtna leh khaikhawmna hun hman a ni ang a, tlai dar 3:15-ah programme kharna inkhawm neih a ni ang.

- SYNFO

Monday, 20 January 2014

KTP Committee vawikhatna thurel tlangpui

Committee vawi-1 na Minute Extracts - Dt. 3.1.2014

1. Treasurer Report
a) Treasurer Report
Sum neih zawng zawng - ` 77947/-
Sum hman chhuah - ` 10225/-
Balance - ` 67722/-
b) Audit Report
Total Received - ` 249575
Opening Balance- ` 42002/-
Grand Total - ` 291577/-

Total Expenditure- ` 214850/-
Closing Balance- ` 76727/-
Grand Total - ` 291577/-

2. January thla KTP inkhawm leh fellowship programme
KTP Inkhawm Programme
A hun : 13/1/2014 (Member thar lawmna leh Faith Promise Campaign)
Ahmun : Biak In
Hruaitu : T/Upa R. Lalthlengliana, Leader
|antu : Nl. C. Lalnunpuii, Br. Comt
F/P Campainger: Nl. Lalrothili, Treasurer

KTP GROUP LIST LEH HRUAITU THLAN

2014 KTP Group List KTP Goup Title-ah hian post a ni e. Zanin 20th January, 2014 zan hian Group hruaitu tur thlan tur a ni bawk e.

Thursday, 5 December 2013

Synod Inkhawmpui vawi 90 na tan a ni ta

SYNOD INKHAWMPUI 2013 (UPDATED)

Synod Inkhawmpui vawi 90-na chu nizan (Dec. 3) atang khan Ramhlun North Kohhran Biak Inah neih tan a ni ta a, hemi hma hian Committee hrang hrang an lo thukhawm tawh bawk.

Kumin Synod Inkhawmpui thlarau lam thupui hi ‘Pathian nena lendun’ (Mika 6:8) a ni a, December 7 (Inrinni) zanah Rev. Dr. Roger Gaikwad-an thlarau lam thupui hmang hian Pathian Thuchah a sawi ang. Kumin 2013 Synod Inkhawmpuia Synod Puipate chu :

Moderator         Rev. K. Lalhmuchhuaka
Secretaries         Rev. H. Lalrinmawia (Sr.)
                          Upa H. Zoliana (Jr.)
Finance Officers Rev. Lalzuithanga
                          Rev. Dr. R. Lalbiakmawia
Statistician         Rev. K. Lalthangmawia
Executive Secretaries Rev.Vanlalzuata
                          Rev. P.C. Pachhunga te an ni.

Synod Inkhawmpui hi kum 2010 atang khan Bial-in an thleng tan a, kum 2010 - ah Dawrpui Bialin Zarkawt Kohhranah thlengin kum 2011 khan Khatla Bialin Khatla Kohhranah an thleng a, kum 2012 khan Chanmari Bialin Chanmari Kohhranah an thleng leh a, kumin (2013) hian Ramhlun North Bialin Ramhlun North Kohhranah an thleng a ni.

Nizan (Dec. 3) khan Palai lawmna leh report inkhawm neih a ni a, Moderator tang lai Rev. Lalramliana Pachuau in palai lawmna thu sawiin kum 2013 chhunga Synod Reports a pe bawk. Leitan Bial Zaipawl leh Mizoram Synod Choir-ten Pathian fakna hla an rem a, Revd. Chuauthuaman malsawmnain hun a khar a ni.

Vawiin (Dec. 4) chawhma inkhawmah Moderator kal chhuak tur Rev. Lalramliana Pachuau in Moderator Elect Rev. K. Lalhmuchhuaka hnenah Moderator mawhphurhna a hlan a, Inkhawmpui Rorel neih zui a ni.

Kum 2014 chhunga Synod Puipa turte hetiang hian ruat an ni :

Moderator          Rev. Lalrinmawia
Secretaries         Upa H. Zoliana (Sr.)
                          Rev.B Sangthanga (Jr.)
Finance Officers Rev. Lalramliana Pachuau
                            Rev. Dr. R. Lalbiakmawia
Statistician        Upa Vanengliana - Ramhlun N
Executive Secretaries Rev.Lalzuithanga
                                 Rev. P.C. Pachhunga
   
December 7(Inrinni) thlengin chhun lamah Inkhawmpui Rorel neih thin a ni ang a, zanah Pathian Biak Inkhawm a awm thin ang. Pathianni (Dec. 8) chawhmaah Pastor nemngheh leh Pro. Pastor dahngheh inkhawm neih a ni ang a, chawhnu inkhawmah Moderator thar Rev. K. Lalhmuchhuakan Lalpa Zanriah Sakramen a theh ang. Zan inkhawmah Moderator kal chhuak Rev. Lalramliana Pachuau in Valedictory Sermon a sawi ang.

Tun Synod-ah hian Pro. Pastor 19 lak an ni a, heng zingah hian Synod Pastoral hnuaia thawk tur 15, Synod Mission Board hnuaia thawk tur 3 leh Manipur Area-a thawk tur 1 lak an ni. Kum 2014-a Minister pension tur 1 leh 2015-a Pastor pension tur 3 report a ni. Pastor-te zingah D.Th. zir tur 4, M.Th. zir tur 8 leh D.Min. zir tur 1 phalsak an ni.

Tun Synod-ah hian Bial thar 5 hawn rem tih a ni a, Mizoram chhungah Bial 2 - Chanmari Bial atangin Chanmari West Bial leh Kawnpui Bial atangin Kawnpui Chhim Veng Bial. Heng bakah hian Mizoram pawnah Itanagar Bial, Silchar Bial (Meitei), Dumlian Bial te hawn rem tih a ni bawk. Bial siamrem hetiang hian rem tih a ni :

College Veng Kohhran - Republic Bialah
Upper Republic Kohhran - Venghlui Bialah
Laipuitlang Kohhran - Chanmari Bialah
Bualpui North Kohhran - Kawnpui Bialah

Kum 2014-a Pastoral Ministry thupui tur atan 'Pathian tih' (Thuhriltu 12:13) thlan a ni.

Field Secretary thar 2 ruat an ni a, hetiangin :
Rev. Lalengzika - Tripura Field
Rev. H. Lalhmingmawia - Assam Field

Pastor, Bial vawng term hmang zo tawh 31 sawn kual an ni a, Minister Bial vawng lo, term hmang zo tawh 22 leh Minister thawk lai awmna hmun siam rem 12 te awmna tur ruat an ni a, hei bakah hian nemngheh thar 17 te awmna tur ruat a ni bawk. Pro. Pastor thawk lai 2 an awmna hmun siamrem a ni. Kumthar 2014 atan hian Pastoral Ministry hnuaiah 20 lak rem tih a ni bawk.

Rorel ni khat ni hian General Agenda Presbytery atanga lut 3 rel hman a ni.