Tuesday, 29 November 2011

Lawrkhawm

Pangngai reng Isua
“Isua Krista chu niminah nen, vawiinah nen, kumkhua pawhin a pawngngaiin a awm fo ang”.
    Sik leh sa te a inthlaka, khaw awmdan te a lo danglama, mihring in hmangaihna leh inlainatna  leh hriatna te chuan danglam hun a nei fo mai, hmana kan bula awm thinte an awmloh hnu in ngaihsak harsa kan ti thin, a hma ang ngawt chuan kan ngaihsak thei tawh thin lo,. kan theihnghilh hial thin..Amaherawhchu kan Lalpa Isua Krista chu niminah nen, vawiinah nen, kumkhua pawhin a pangngaiin a awm fo vang tih thu thlamuanthlak tak hi i chhinchhiah ang u. Khawvela a awmlaia natna tuarte ngaihsak thintu, amah ringtute hmangaih taka an thatna tura thawhsaktu kha vawiin thleng hian kan Lalpa Isua Krista chu a ni. I manganna a hnen i thlen kha a hria e, I tuarna kha a hriatpui che. I duhloh thil i chunga alo thlenlai pawhin ani chuan a kalsan chuanglo che.
    Pangngaia awmreng kan Lalpa belhna chang hria leh amah pana , a khawngaihna leh alainatnate chang duh leh a enkawlna hnuaia intulut duh apiang tan a pan theih reng a ni.Danglam ve ngailo a nihna hi kan Pathian ropuizia lanchhuahna a ni si a, boral mek te leh tluchhe mek, amah mamawhtu a piangin kan Lalpa hi i pan thuai ang u..Min theihnghilhlo a nia..



0 comments: