Saturday, 19 November 2011

Tunlai kan Kohhran ah.....
     Lal piang chibai bukna kan hmanna tur leh Kumthar lo thleng tur atan inbuatsaihna kan hmangchho tan meka, Krismas leh Kumthar committee te chuan chhungtin te chetna tur hrang hrang sum leh pai thawhturte, hnatlang hrang hrang thinglak te leh mawhphur tur bik te in ruatin chetna hrang hrang kan buatsaih chho ta mup mup a,. Thinglakna turin  an lirthei thawhtute chungah te, hmanrua hrang hrang thawhtu chungah te hnatlanga thawkchhuak zawng zawng te chungah hian Kohhran mipuite hi kan va lawm tak em!! Chutihlaiin chetna tur tam tak ala awm zel dawn e.
    Kohhran Building Committe lam pawh Biakin hmalam chhun zawh ngei tumin tan an la a, Kohhran hnatlang thawkchhuak chungah te,Ar petu chungah te, chhungtin mau thawhtute chungahte pawh hruaitute an lawma, heng zawng zawng pawh hi Isua Vang chauh a ni, kan zavaia kan theihna zawn theuha kan thawh hian kan lo inpumkhata Isua duhzawng a ni, i tang sauh sauh ang u...
    KTP lam pawh Krismas leh kumtawp programme turte an siamfela, Biakin leh avel pawh cheithar an tum hle a, Kohhranhoten hlimtaka he hun hi kan hman theih nan hmalakna tur leh programme pawh a inchher chhuan chho tup tawh a ni, heng zawng zawng pawh hi Isua vang a ni, Isua chauh ropui rawh se.
    Kohhran Zaipawlte pawhin Krismas leh Kumthar lo thleng tur atan ngawrhtakin  Pathian fakna leh chawimawina atan an aw leh taksa an buatsaih chho meka,hetiang atana an tih theihna chhan pawh hi Isua vang chauh a ni
    Synod Revival Speaker Lalfakzuala Dt.11-18 December chhung atana kan Kohhrana Crusade nei turin tihfel alo ni ta bawka, Kohhran hoten tawngtaina nen tan la thar zel bawk ila,
    25th November 2011 a Hmeichhe Ni lo thleng tur atan kan Kohhran Nu hote pawh an inbuatsaih nasa hle, Inkhawmbanah hla te zirin hun an hmang chho mek bawk a ni
    Heng bakah hian kan Kohhran chhungah rawngbawlna hrang hrang ah hmalak mek reng a ni a, heng zawng zawng hi Isua vang chauh a ni. Kohhranhote Kan Lalpa Isua Krista tan i bei zel ang u.

0 comments: