Biak In leh Kohhran hawn ni 30-04-2006

Pathian ropui nan aw.... Kan Biak In pawn hma a sawn ve zel e.

College Veng Biak In

Biak In sak zawh.

Biak In thar

Kohhran hote inpumkhatna leh Pathian Malsawmna vang liau liau a ni e.

Kan Biak In hmel danglam dan

Kum 10 a liam meuh chuan hmel thar kan hmu ta.

30-04-2016

Kohhran Kum 10 tlin lawmna.

Monday, 26 December 2011

ZAIKHAWM HRUAITU

Krismas Programme 24/12/2011     Zan Inkhawm ban (Inrinni)
Hruaitu    Upa R.Vanlalmuka

25/12/2011     Pathianni chawhma Inkhawm ban  Chhang Ruai
Hruaitu    Pu B.Relliana

25/12/2011     Pathianni Zan Inkhawm ban
Hruaitu    Pu Raymond Lalnunsiama

26/12/2011     Thawhtanni Chawhma Inkhawm ban
        Ruaitheh ni   
Hruaitu    Pu R.Lianhnuna

25/12/2011     Thawhtan Zan Inkhawm ban
Hruaitu    Pu Lalrinzuala

Kumthar Proramme
31/12/2011     Zan Inkhawm ban (Inrinni)         Hruaitu    Pu R.Lalthlengliana

1/1/2012     Pathianni Chawhma Inkhawm ban     Hruaitu    Pu T.Laldika

1/1/2012     Pathianni Zan Inkhawm ban     Hruaitu    Pu HB Lalngilneia

2/1/2012     Thawhtanni Inkhawm ban    
        Ruaitheh ni
Hruaitu    Pu TBC Rualkhuma

1/2012         Zan Inkhawm ban    
Hruaitu    Upa Rosiamliana

VAN KAWNGKA

Daniel Lalpeksanga(Naute) Pu Robert Zothansanga fapa chu Nilaini khan a boral a, khawharchhung te Peniel Editorial board ten kan tuarpui tak zet a. Khawhar chhungte Kohhran mipuiten i tawngtai pui ang u.

BIAL IN PASTORTE THLAH DAWN

Kum thar January 4 zanah Diakkawn Kohhran Biak-Inah Pastor Lalparchhuana leh Rev Lalvensanga te Bial huapa thlahna hun hman tur a ni a. Pastor thar R.Lalremruata Induction Service neih hun atan Jan. 15 SYNOD  in a ruat a, a lalut tu atan Rev. Sikulfala ruat ani.

2012 KOHHRAN HMEICHHE HRUAITU TUR TE


KUM 2012 KOHHRAN HMEICHHE HRUAITU TURTE
    Kohhran Hmeichhe hruaitu tur hian Member 12 thlan chhuah an ni a,chung zing atang chuan a hnuai a mi ang hian Kohhran Hmeichhe hruaitu tur siam rem a ni.
Chaiman                : Pi Sumkungi
Vice Chaiman        : Pi HD Malsawmi
Secretary               : Pi C.Lalngaihawmi
Asst.Secretary       : Pi Lalengzami
Treasurer               : Pi T.Lalngilneii
Fin.Secretary         : Pi Ngurkungi Sailo

Committee Memberte :-                
Pi MS Dawngliani        
Pi Lalchhanhimi
Pi K.Lalchhingpuii         
Pi C.Lalngaihzuali     
Pi Laldinpuii             
Pi H.Lalnunziri

CHRISTMAS CHIBAI BUKNA

CHRISTMAS CHIBAI BUKNA
    Krista a ka unau leh rawng ka bawlpui duhtak te, College Veng Presbyterian Kohhran,

    Kan Lalpa Isua Krista hmingin Krismas chibai ka buk a che u. Kan Lalpa Isua Pianni champha chu Pathianni 25 December ah alo thleng dawn ta a, Thlarau Thianghlim awmpuina leh kaihhruai a in hman ngei ka beisei. Kei hi Mumbai ah awm mahila ka rilru leh ka thlarau chu in zingah a cheng reng ani tih min hriatpui ka duh a ni.

    Kei pawh Kohhran hote min lo tawngtaipui na avangin ka tha chho zel a; Doctor te’n ti tura min tih pawh tha leh tluang takin ka ti chho zel e. Boruak dang ten min chim phut anih loh chuan january 1.1.2012, Kumthar ni hi chu Kohhran hote zingah ka rawn hman ve theih tawh ka beisei.

    Kohhran ten bang lovin min lo tawngtaipui leh zel turin ka ngen che u ani. In zain Lalpan hruai zel che u rawh se.
                - Upa TBC Liandala
                    Camp - Mumbai

    Kan Lalpa Isua Krista Van ropuina kalsana lei thima misualte chhandamtu lo pian champha hian mitin an chanchin tha rawn thlen thar sela. Mitin thinlungah Remna Lal hian ropuina chang ngei rawh se.
“Lei chunga a lawm em em mihringte hnenah remthu leng rawh se”.
                - Upa C.Lalbiakthanga

    Krismas hunpui hlimawm tak lo thleng ah hian nang leh in chhungkua in damtlang em? In thlarau nun a dam em le? Ringtu tu in nge hruai dawn che? Lal Isuan i nun ah engchen nge hmun a chan aw! Lal Isua kan rilru leh thinlunga lalna thuneihna alo  chan theih nan Babulon thilte paih veka Lalpa Isua Krista chauh chawimawi alo nih theihnan duhsakna chibai ka buk a che u...                     - Upa R.Vanlalmuka

    College veng mipui zawng zawng te hlimtak leh thlamuangtaka Krismas leh kumthar hmang turin duhsakna chibai ka buk a che u....                      - Upa Rosiamliana

    Kum 2011 Christmas chu kan lo thleng ve leh ta mai chu a ni a, College Veng mipuite he hun lawmawm hmang tu zawng zawng Krismas chibai ka buk a che u.... 
-Pu Bawihthuama

    Khawvel damna tura lei leh van Lalber lo pian hun kan lo thleng leh ta. He hun min hruaithlengtu Pathian chu chawimawiin awm sela. Remna Lal lo piang lawmtur zawng zawngte hnenah remna leh muanna a lo thlen ngei theihna turin College Veng Kohhran chhungkua leh mimal tin te Krismas Chibai ka buk a che u.
                - Pu R.Lalrinngheta

Peniel Editorial

     Kan kum tam dan a zir zelin Krismas kan hman zah a hriat nghal mai ani ti a sawitu awm ta sela a dik ni mai ah ngaih theih a ni. Amaherawhchu Krismas hmang kan intih dan a inanglo hle thei awm e. Mi pakhat chuan “kumin chu krismas ka hmang ve tak tak dawn ta e”, tiin a sawi a; amah lah chu han en reng rengin kum 40 chuang hmel a pu lawi si a. A hmel enin dawt sawi hmel a langlo in a titak viau si. Hei hian kan kum tam dan azir hian krismas kan hman zah a hril lemlo niin a lang.Mas hmangtu tak tak nitur chuan Kan thinlung leh rilru, Kan duhdan leh nisela kan tih lam nilo in Krista lalna leh thuneihna a kan taksa leh ngaihtuahnate kan hman a tul si.
    Hla siamtu chuan “Edom rimtui leh rangkachak ai chuan thinlung a tawngtai a hlu zawk”a lo ti a-Ruaitheh, mas ni a inkhawmve, Zaikhawmna a a nawitawk a kal ve  zauh zauh, thian te leh chhungte nen a prog. hlimawmtak hman, thawmhnaw thar neih, Urlawk zan leh Kumhlui thlah zan a AR kan- hengte hi Krismas ni mai a ngai kan tam tawh mai em aw!
    Ringtu, krismas hmangtu tamber te hian  Lal Isua hi Lal leh chhandamtu ah kan pawm ngei a, Amah avang a Van khua leh tui chang thei chauh kan nih kan hre chiang a, Tidamtu, Lainattu, Khawngaih a Hmangaihtu anih pawh kan pawm a, Amah pawh kan duhin kan zah a, Diabola lam tang nih pawh kan hlau em em, Chumi lak a kan chhandamtu anih pawh kan hria- Amaherawh chu hei hi; LAL ah hian kan pawm takzet em aw! Ka awmdan leh nundan zawngah Lal ni tur a Lei leh Van Lal, Pathian tak chatuan Pa ani si.

Krismas Sermon

BETHLEHEM DAI PHUL HRING CHAMDEL
Luka 2:14-20
Upa R. Vanlalmuka

    Lei leh Van inremna tur a Leilungpian hma a talh tawh Beramno, Khawvel chhandamtu lo pian hun, hun hlimawm leh ropui tak mai chu hun in a rawn her chhuahpui muai muai ta mek a, Ui in ngai hle mah ila hun vekin a her liampui vung vung  leh mai dawn chu a ni ale! Engtin tak hmang leh in hmang liam leh ang imaw?
    Kristiante rilru leh suangtuahna, mitthla leh ngai-hruatna in He krismas ah hian Bethlehem lam kan hawi deuh vek a, Engtik lai mah a kan la hmuh ngailoh leh a rim a ra pawh kan hriatloh, a thlalak takngial pawh mitthla a cham phalo Bethlehem khua leh dai vel hian engvangin nge maw kan lung a tih len a, hnuk ulh teuh a, Bethlehem dai phul hring cham del leh Ranin kan rilru ah a awm tlat mai aw!. Chumi hmun chuan thinlung a luah a, Khawchhak mifingte leh Berampute kan thurualpui leh nghal vei nen. Ani tak a, he hunpui ah hian Kut hna thawk ka ni emaw, Dawrkai ka ni emaw, Sawrkar hna thawk ka ni emaw, Auto Driver leh Taxi Driver ka ni emaw, Sumdawng leh  Eichawp zuar ka ni emaw, Rawra chhu leh Inhlawhfa ka ni emaw, eng hna pawh thawk ni mah ila Bethlehem Dai -a Ranin leh Phul hring cham del hian Khawchhak mifingte leh Beram-pute nen min suihzawm a, Thinlung hmun khatin Lal lo piang Tlawm si leh fel famkim si, Misuala chhiar Nausen thar hian thinlung leh rilru zawng a fan hneh mawlh a ni.Ka chanc-hin chhia leh I chanchin chhia zawng zawng he nausen hian a rawn pianpui a, Ama chanchin tha zawng zawng nang leh Kei min bel a, I chanchin thalo leh Lalpa pawl tlakloh zawng zawng chu Amah inbel vekin, Ka tawrh leh I tawrh ai Krawsah a lo tuar tak na hian maka, hmangaihtu leh khawngaihtu famkim a nihna a tarlang vang a ni mawlh ngei ang..
    Midangte tan nun peral lo pian hunah hian engang rilru nge kan put ve le? Bethlehem dai phul hring chamdel leh Ranin lam a lung tileng ringawt hian mittui leh hnaptui kan lo sutin, Nunhlui leh naupan lai leh thatlai hun a lung tileng mai hian em ni hun kan lo hman thin aw!.He Lal lo piang a lung leng ve em em leh Rilru khawih ni a kan inhriat em em lai hian Mahni  chanchin leh mahni lam ah chauh kan rilru kan pe in, Mahni tanghma sial takin hun kan hmang liam mai mai thin em tih inenfiah a tul. He Lal, Lei leh Van Remtu LAL hian a ngaih pawima-whber leh kan lung lenna a tan a  tih a duhber chu chanchin tha hril leh Thlaraubo chhandam hi a niin, A lokal lehna thu a inthlamuan tawn thin turin min chah bawk..Ama sawidanin" Mi in hmangaih chuan ka thupekte a zawm ang a, Kapa in anni chu a hmangaih ang" "Lei leh avana thuneihna zawng zawng ka hnenah pek a ni tawh, Tichuan kal ula thil siam zawng zawng hnenah chanchintha hi hril rawh u"- a tih hnu ah" tichuan khawvel tawp thleng pawhin in hnenah ka awm zel ang" a ti a. Kan hnenah Lal Isua hi a awm zel kan duh a, Amah kan lawm a kan ring anih ngat chuan a thupek kan zawm hi kan tih tur a ni. Midangte tan a nun peral lo piang kan lawm mek lai hian eng dinhmunah nge kan din aw! Midangte tan kawngkhat talin malsawmna leh Tangkaina kan nei em le? Nun kan tan a petu alo piang e, midangte hnenah nun kan peve dawn nge kei leh ka chhungte tan chauh? Isua hi kan hnena awmzel tur a kan sawm na kawng hnaivaiber chu a thupek te zawm ani.
    Khawchhak lamah Arsi kan hmu a, chibai buk turin kan lo kal a ni ti a mahni finna a Lalpiang lawm tum tute chuan Lal Heroda In an luh chilh a le; Lal Heroda a mengphawk! Mifingte an ralti! Nausen tamta-kin an thih phah. Hlimhlawp leh Kohhran programme pawn lam a Mas hmangtuten mi tamtak nunna an la a, Isua raltiin an tlanchhiattir thin a, Diabolan lalna a chang thuai thin. Krismas hmang tak tak nun neitu chuan December Ni 25 ah kher lo pawh, A nun hun chhungin Isua nen an leng dun thin a,Krismas hlimawm tak Bethlehem dai phul hring chamdel ah Thlarauin hun an hmang reng thin.
    A thu Lalpan malsawm rawh se. Amen

Tuesday, 20 December 2011

K.T.P. HRUAITU THLANG THAR

Kum 2012 chhung atana Kristian  Thalai Pawl College veng Branch hruaitu tur nizan 19th Dec. 2011 khan thlanna neih a ni a. Inthlan zawhah hian inthlanpuitu Kohhran Committee te nen hruaitute chanvo insiamremna neih nghal a ni.

Leader                : Pu R. Lalthlengliana
Asst. Leader       : Pu R. Lalrinngheta
Secretary            : Tv. Lalmalsawma
Asst. Secy          : Pu Raymond Lalnunsiama
Treasurer           : Nl. Lalnunpuii Ralte
Fin. Secy.           : Pu C. Vanlalduhzuala








kOHHRAN PROGRAMME

pangpar khawitu tur te
Dt.18/12/2011    1) Pi.Zoramdinthari 
    2) Pi.C.Lalngaihzuali
zing tawngtai inkhawm hruaitu tur te
(Tan hun 6:00 A.m)
Thawhtanni    : Pi Ngurkungi Sailo
Thawhlehni    : Upa R.Vanlalruata
Nilaini    : Upa Rosiamliana
Ningani    : Pu R.Lianhnuna
Zirtawpni    : Pu Chhunthuama
Inrinni    : Pi T.Lalngilneii
Pathianni    : Pi Sumkungi
Pathianni S.S Inkhawm dan tur
    Puitling lam te SS hming lam leh thawhlawm lak khawm a awm ang a, Zirlai a awm lo ang, NPSS lam te chuan Exam an nei ve thung ang.
JUNIOR KTP
    Pathianni tlai hian Jr. KTP te Christmas Concert 23/12/2011 huna items tur hla zirna RC Hall ah neih leh tawh tur a ni. Jr.KTP member zawng zawng te tel theuh tur a ni.
THAWHTANNI ZAN KTP INKHAWM
Hruaitu thar thlan, Intihsiak lawmman sem leh Group Kharna
Hruaitu     : Pu R. Lalrinngheta
Tantu     : Nl. H. Lalnunmawii (RL Kamlala Gr)
Lawmman semtu : Upa C. Lalbiakthanga
Inthlanpuitu     : Kohhran Committee
Presbyterian School 2012 admission
    Kum 2012 chhunga Presbyterian School a lut tur zawng zawng te chuan , admission form Rs.10/- in Zirtitute hnen atanga la in, thawhtanni zing dar 10:00 atangin Sikul ah admission tih theih a ni e. Fee hi tih danglam a ni lo.

KOHHRAN THU THAR

Kohhran  Hunruat
DECEMber thla Inkhawm hruaitu : Upa R.vANLALMUKA

crusade hman mek zel a ni
    Kan Kohhrana rawngbawlna rawn neitu Doulos Team te chuan Pathianni thleng hian hun an la hmang dawna, thawhtanni ah an haw ang. Kohhran mipuite thahnem ngaitakin inkhawm i tum ang u.
BETHEL DAWN
    Tun Pathianni chawhnu hi Kohhran pum huapa Bethel tawngtaina hun Pu Saidinga ram ah neih tur a ni. Chhun dar 1:00 ah Biakin ah kal in chuta tang chuan Bethel na tur hmun hi pan tur a ni.

BIAKIN ENKAWLTU DIL THEIH
    Kum 2012 chhung atana kan Kohhran Biakin enkawltu tur dil theih a ni a, Pathian rawngbawlna ngaia thawk duh chuan dt.18/12/2011 thlengin dilna hi Kohhran Secretary hnen ah thehluh theih a ni, 20/12/2011 ah Kohhran Committee hmaa ah interview neih tur a ni ang.

INTHLAN HUN TUR
    2012 hruaitu tur Branch KTP te chuan 19/12/2012 thawhtanni zan hian an nei dawna, Kohhran hmeichhia ten 20/12/2011 thawhlehni zan hian an nei ve thung ang

COUNSELLING NEI DAWN
    Sacrament Dept. zirlai te chuan 21/12/2011 nilaini nileng hian danchhung lut tura inbuatsaihna atan counselling an nei dawna, tlai lamah zanriah kilho nghal a ni anga, Zan inkhawmah danchhung lawmluhna neih nghal an ni ang. Counselling hmanpui tur hian Kohhran Committee chuan Upa C.Lalbiakthanga an ruat.

KUMTHAR SET UP
    KanKohhran Committe te chuan kumthar set up Dt. 20/12/2011 thawhlehni nileng hian an nei dawn.

RINGTU NUN

Mit leh beng vannei
Mathaia 13 :16,17 ‘Nangni mit erawhchu a vannei a ni, ahmuh thin avangin;  in beng pawh a vannei a ni, a hriat thin avangin. Tih tak meuhin ka hrilh a che u, zawlnei tam tak leh mi fel tam tak te pawhin in thil hmuh hi hmuh an chaka, nimahsela an hmu si lo; in thil hriatte pawh hi hriat an chaka, nimahsela an hre si lo’
    Zawlnei  ten Isua lokal tur an lo hrilh lawka, mahse hmulo in tam tak an liama, mahse chutihlai chuan chu hun ropuitak mai chu tun huna chengte hian kan chang chho ta si a, he hun Pathian ram lo thleng tur tih chu atakin kan chang ta kan va vannei tehlul em. A hlutzia leh kan vanneih zia hlaphuahtu ten an lo puang chhuak bawk a, chutihlai mek chuan he hun hlu tak kan chan mek leh Lalpan vannei min tihna hi keini ringtute hian vannei kan lo in ti ve reng em? kan hun hman mek te leh tun hun kan hman mek ah te hian Pathian chhandamna a lang em. Ringtute hian kan nun hi in en chian ava ngai em,Kan thil hmuh leh hriat kan lawm leh hlimna kan hmuh leh hriat hi kan puang thin, he chhandamna lawmawm em em hi ama ropui nan   phurtakin i puang chhuak mai dawn lawm ni le. Kan hmuh theihna mit leh kan hriat theihna beng vanneihzia hi kan ngaihtuah ngai em le...

LAWRKHAWM

mmDt.17/12/2011 Inrinni hian naupang lang Camp neih leh tur a ni. Junior Dept. atanga senior Dept. thleng tana buatsaih a ni. Nu leh pate pawhin kan  fate Pathian thutaka an awm theih nan huntha i buatsaih sak ang u.
mmInrinni nileng  hian Krismas lo thleng tur atana inbuatsaihna turin KTP Branch hnatlang neih  a ni a, Biakin leh avel atul a piang tifai  a hnatlang hi neih  a ni.
mmDt.16-31 Dec. 2011 chhunga Kohhran Inkhawma Zaihruaitu turte -
  Khuangpu : Pu R.Lalthlengliana
        Pu HB Thansiama
  Hlahriltu : Nl.H.Lalremzovi
  Keyboard : Pu Lalremfela

mmPathianni tlai hian KTP Fellowship awm tura lo puan tawh chu Kohhran pum huapa Bethel tawngtaina hun hman tur a nih dawn avangin hman theih a ni dawn lova Faith Promise pawh thawhtanni zan Inkhawmah hlan a ni zawk ang.

mm Mizoram Presbyterian Church Synod Inkhawmpui vawi 88-na, December 6-11 chhunga Khatla Kohhran BiakIn a neih chu tluang taka hman zawh a ni a, December ni 11 (Pathianni) zan khan a tiak ta.

mm Synod Office chuan December 20 (Thawhlehni) hian Inthlahna siamin kumin chhung atan Office an khar tawh ang a,January 5, 2012-ah Office hawn tan leh a ni ang.Synod Bookroom dawr zawng zawng leh Stock Room te chu Synod chawlh chhung pawhin December 21, 28, 29, 2011 leh January 4, 2012-ah hawn a ni ang

PENIEL EDITORIAL

    Thlasik boruakin kan incheina leh kan awmdan tam tak min thlaksak mek lai hun kan hmang leh ta reng mai, he boruak inthlak leh thleng mek hian kan rilru tam tak pawh nasa takin incheina lamah hian kan taksa mamawhna avang pawh aniang min hruai nasa hle mai, chutih rualin hetih hun lai hi krismas lo thleng tur kan in puahchahna hun a lo ni bawk nen, tisa thil ah pawh thahnem kan ngaitlang na ngiang hlawm e. Kohhran ho leh ringtute tena kan ngaihtuahna leh kan rilru atana lian ber tur erawhchu he khawvel incheina inthuamna mai nilo in,  thlarau nun lama inthuamna thar , silhfen thar  kan mamawh phuhruk tur keimahni leh kan tu leh fate, kan unaute tan kan ngaihtuah lovang tih hi ava hlauhawm em, tisa thil alang theia mawitak incheina chhuak thar nalh tak tak kan rilru in a hisapa,  kan duh a, mahse kan thlarau lam nun atana kan inbuatsaih tumna leh thlaraulam silhfen thar lei tur leh nei tur hi chuan aman pek kan tur kan neilo a, ato kan ti hma riau a ni mai lo maw? rawngbawltu nisi thlarau lam silhfen hlui lutuk leh tawp tawh lutuk mai a inchei kan lo ni bik a nge,    Lalpa hnen pan ila aman chawi ngailo, athlawn veka dawn mai  tur ania, ama hnenah  i in hlan ang u, kan kohhranah chuta tan chuan rawngbawltute pawh tun ah hian rawih mek an ni, kan thlarau lam silhfen hluitak tak te thlaknan Pathian thu ngaithla turin i kal thin ang u.

Sermon - Rev. Vanlalzuata

KRISMAS THILPEK ROPUI BER
(Fapa pekin kan awm ta!)
“Kan tan naupang a lo piang a, fapa pekin kan awm ta a" (Isaia 9:6) 

Kan thupui sawi tur hi Krismas thilpek ropui ber, “Fapa pekin kan awm ta,” tih a ni a. He tawngkam hi zawlnei Isaia tawngkam, Lal Isua pian tur hrilhlawknaa ngaih a ni a. A lo to chhuahna rilzia leh makzia hi mihring tawnga sawifiah zawh rual a ni lova, sawiloh theih lah a ni hek lo. Hetiang hian i lo thlir ho ang u : 1. Chhinchhiahna pasariha chhinchhiah: Eden bawhchhiatna avangin Pathian leh mihring chu kan inthen tawh a. Eden huana kan luh theih tawh lohna turin nunna thing chu mei khandaih vir tawn zawk zawka ven a ni a. Thupuan bung 5-8 thute hi Lal Isua pian atanga a thih inkar huapa sawi theih ni mah se, a pianna lamah bel ta ila : Lehkhabu pakhat, a chhung lam leh pawn lama ziak, chhinchhiahna pasariha chhinchhiah tlat chu lalthutphaha thu chuan a kut ding lamin an keng a. “Tu nge lehkhabu hi hawnga a chhinchhiahnate phelh tlak awm?” tiin vantirhkoh chu aw ring takin a au lauh lauh mai a. Vanah te, leiah te, lei hnuaiahte chuan lehkhabu chu hawnga a chhinchhiahnate phelh tlak tumah an hmu zo lo va. Hei hi eng nge a awmzia ni ang? Mihringte sualna avangin Pathian nena kan inkarah indaidanna bangpui a awm a, chumi tikiang thei chu tumah an awm lo tihna a ni âwm e. A hmutu Johana chu a tap ta zawih zawih a. 2. Thu lawmawm a lo thleng ta : Suala tlu tawh mihringte chhandam turin vanah an zawng a, an hmu zo lova, leiah leh lei hnuai thlengin an luh chilh tawh a, an hmu zo lo. Nakinah chuan ennawm mak tak mai a lo lang ta!! Upa zinga pakhat chuan Johana hnenah, “Tap suh, ngai teh, Sakeibaknei, Juda hnama mi, Davida Bulpui khan lehkhabu chu hawng tur leh a chhinchhiahna phelh turin a hneh ta,” a rawn ti a. Van ropuina hlipin Lal Isua chuan lei hmun tlawm ber a rawn luhchilh a, kraws-ah hma a rawn chhuah a. 3. Ennawm mak thar a lo lang : Beram No inpekna chu zahna hlanin Thilnung palite leh Upa 24-te chuan an lallukhum phawkin a hmaah an bawkkhup a, “Nang lehkhabu chu la a, a chhinchhiahnate phelh tlak i ni e..” tiin ruah tham loh hla thar an sa a. Johana chuan ennawm mak thar lo lang zel tur chu a thlir reng a. Vantirhkoh a singa sing tam takte chuan aw ring takin, “Beram No talh tawha hi Thiltihtheihna te, hausakna te, finna te, chakna te, ropuina te, chawimawina te, malsawmna te hmu tlak a ni e,” tiin hla mawi ropui an rawn rem a. Chumi zawhah chuan van leh lei chung leh hnuai leh tuifinriata thil siam tinrengte chuan, “Lalthutphaha thu leh Beramno hnenah chuan malsawmna te, chawimawina te, ropuina te, rorelna te, chatuanin awm rawh se,” tiin an au rual a. Thilnung palite chuan, “Amen Amen,” tiin an lo chhawn a, Upate pawh chuan bawkkhupin chibai an buk a. Hlaphuahtuin “Ennawm mak thar a lang zel ang a thuk si,” a tih ang khan Johana chuan Beramnovin chhinchhiahna pakhat phelh atanga pasarih phelh lai chu a thlir reng a. Lal Isuan chhinchhiahna pasarihna a han phelh lai phei chuan van miten mak an ti lutuk a, ri reng reng awm lovin dar chanve lai chu van a reh thup mai a. Van miten Krismas an hman dan hi kan thlir chuan lawmna leh mak tihna a inkawp a, lei mite duhsakna leh uina a inkawp a, aw ring taka hla sak leh ngawih thup a inbelhbawm bawk a ni. An tihtakna hmel hi Krismas hmel leh awmzia tar lanna a ni. 4. Zawlneite hnenah puan a ni : Pa Pathianin a Fapa lei mite a pek tur thu hi chawpchilha lo thleng thut a ni lo va, zawlneite hnenah khan vawi za chuang a lo hrilh tawh a. Zawlneite kaa Lal Isua chungchang hrilhlawkna thute hi vawi zahnih chuang a lang a ni. Zawlnei Mika chuan Isua pian hma kum 750 velah khan Bethlehema Isua a pian tur thu te, vuak leh chilchhak a tuar tur thute a lo sawi lawk tawh a (Mika 5:1,2). Zawlnei Zakaria chuan Isua chu sabengtung chunga a chuan tur thu te, tangka 30-a an hralh tur thu te, a man chu belvawtu ta tur a nihzia te, a zirtirten an phatsan tur thu te, a nâka feia an chhun tur thute a lo sawi lawk a (Zak. 9:9; 11: 7,12,13; 12:10). Zawlnei Hosea chuan Aigupta rama a tlan bo tur thu a lo sawi lawk bawk a (Hos. 11:1). Zawlnei Isaia chuan Isua chu nula thianghlimin a pai tur thu te, a hming tur te, amah hektute hmaa a ngawih reng tur thu te, misualte nena tuar tlang tur a nih thu te, a tiduhdahtute tana a tawngtai tur thu te, mi hausa thlana an zalh tur thute a lo hrilhlawk a (Isa. 7:14, 53:7,9,12). Bethlehema a pian tur chungchangah hian Isua chauh lo pawh Bethlehema piang tur chu an tam ang tiin khawvel mite chuan mi dang chungah bel an tum thin. Chutiang chu tam mah se, pian hlima Aigupta rama tlan bopui leh tangka 30-a hralh a ni ve em, tih chu zawhna pawimawh a ni ang. Chutiang chu Bethlehema mihring piang tawh zingah pakhat sawi tur awm sela, a nih leh a hralhna manin belvawtu hmun an lei ve em? Vuak, chilchhak leh feia chhun a ni ve em? Mi hausa thlanah an phum ve em? Hengte hi mi dang chunga thleng ve zel thei niin a lang lo. Thuthlung Thar kan chhiar chuan, “Zawlneite hrilhlawk kha a lo thlen theih nan,” tih kan hmu fo mai. Zawlneiten an hrilh lawk lai hian a hun laia mite chuan dawt muhlumah pawh ngai sela an thiamawm tho mai. Nimahsela a hun laia mite an thih zawh vek hnuah, an thlanah pawh arsi ek a kai that tawh hnuah, a hun takah an hrilhlawkna thu hi a lo thleng dik ta si a. Hrilhlawkna zahnih chuang daih, a kim biaia Lal Isua chunga lo thleng hi a mak a, Pathian thu hi a rintlakzia a tilang a, khawvel mite hriat ve loh, kan Pa ram thil a ni. “Pathian thil rel dan hi a va mak em ! hriat phak rual loh a ni. 5. Leiah a lo piang van Lalbera chu: Lei miten Krismas rim kan hriat hma daih khan van mipuite chuan Krismas hi urhsun takin, mak takin, bawkkhup chungin an lo hmang tawh a. Aw ring takin Beram No zahna hla thar an rem a, a chang leh Beram No inpekna chu mak tiin dar chanve lai an reh thuap bawk a. Chu thu lawmawm chu zawlneite hnenah hriattir an ni a, Isua pian hma kum 700 zet kal taah khan Isaia chuan, “Kan tan naupang a lo piang a, fapa pekin kan awm ta a,” tiin a lo sawi lawk a. A hun bi a lo kim ta. Chumi zan reh takah chuan, thlasik vur daifim hnuaiah Lal Isua chu ranthlenga a rawn mut zan khan, vana miho mipuite chu Bethlehem daiah an lo pung khawm a, “Chungnung berah Pathian ropui takin awm rawh se, lei chunga a lawm em em mihringte hnenah rem thu leng rawh se,” tiin lei mite hnenah duhsakna sang ber (Shalom) an rawn hlan a. 6. Fapa pekin kan awm ta : Chutichuan, “Fapa pekin kan awm ta,” tih hi a sawi awl hle mah se, a lo to chhuahna erawh chu a ril hle. Pa Pathian hmangaihna chuan kan inkara indaidanna bang a rawn su chim a, chhinchhiahna pasarihte a rawn nuai bo va, Sinai tlang Dan thuthlung chu khawngaihna thuthlungin a rawn thlakthleng a, Dan chuan Lal Isua chu kawng lai kianin kawng sir a chuh rawk rawk a. Hmun tlawm ber Bethlehem ranthleng chu a rawn chawimawi a, puithiamte leh lal leh zawlneite Office chu a rawn luahlan a, mi sualten pheichham an man a, mi retheiten thang an chhuah a, tlang tenawm ber Kalvari tlang chu tlang ngainatawm berah a rawn letling a. Lal Isua hmaah chuan mi bawlhhlawh sil fai an ni a, thianghlima inngaiten an bawlhhlawhzia an hre thung thin. He thilpek ropui ber hi a dawn dan dikin kan dawng em? Mi retheiten an dawn chuan hausakna a ni a, natna tuarten an dawn fuh chuan damna a ni a, chapoten an dawn chuan tlawmna puan an sin a, mi duhamten an dawn fuh chuan thilphal an zir thin. Kumin chhunga lus

Thursday, 15 December 2011

Pastor Induction & Pro. Pastor dahngheh

S/n Hming                                     Awmna  tur                                  Induct-tu  tur
1) Rev. R. Lalnuntluanga                  Venghlui                       Rev. Dr. R. Lalbiakmawia, Venghlui
2) Rev. F. Laltlanthanga                  Tuikual                          Rev. C. Laltanliana, Tuikual
3) Rev. R. Lalengmawia                 Principal, PBS               E/s incharge
4) Rev. K. Lalthanliana                  Tanhril                            Rev. C. Lalengzauva, Luangmual
5) Rev. H. Lalawmpuia                  Aibawk                         Rev. Vanlalvena, Hlimen
6) Rev. Lalparchhuana                   Champhai Vengsang      Rev. C. Thangthuama, Champhai Kanan
7) Rev. R. Lalremruata                  Kolasib Diakkawn         Rev. Sikulfala, Kolasib Venglai
8) Rev. H. Lallianzara                    Serchhip                        Rev. P.C. Lalhmachhuana, New Serchhip
9) Rev. Lalrinsanga                       Baktawng                       Rev. Vanroluaha, Chhingchhip
10) Rev. C. Lalchhuanawma         Kolasib Hmar Veng        Rev. C. Lalrintluanga, Kolasib Venglai
11) Rev. C. Lallungmuana             Sateek                           Rev. Dr. C. Lalramliana, Muallungthu
12) Rev.  R. Lalvulluaia                 E. Phaileng                     Rev. H. Lallungmuana, Khawruhlian
13) Rev.  H. Lalrinsanga               Lungdai                          Rev. John Raldosanga, Sihphir
14) Rev. Lalchungnunga Hnamte  Sihfa                               Rev. C. Sapkaia, Keifang
15) Rev. Laltharzuala                   Guwahati                        Rev. K. Lalrinmawia, Field Secretary
16) Rev. Lalthanhawla                 Chhiahtlang                     Rev. C. Lalduhawma, Serchhip Vengchung
17) Rev. David Lalrinmawia Sailo Kawlkulh North             Rev. H. Lalrinmawia, Secretary (Jr.)
18) Rev. Vanlalhuma                    Ngopa                            Rev. V. Lalkima, Kawlkulh
19) Rev. K. Darthanmawia          Mualpheng                      Rev. Zosanglura Pakhuangte, Saitual
20) Rev. T. Thuamliana                Khawhai                          Rev. F. Lalsangkunga, Sialhawk
21) Rev. R. Lalsiamliana Saiha    Rev. J. Lalbiaknia,             Lawngtlai Chanmari
22) Rev. B. Darnghakliana N.E. Khawdungsei                    Rev. Dr. Lalhmangaiha, Finance Officer
23) Rev. Lalrindika N. Hlimen Rev. Lalnunzira, Bukpui
24) Rev. H. Vanlalhriata Hnahlan Rev. Zosangliana Colney, Executive Secretary
25) Rev. Benjamin Lalrinmawia Kawrthah Rev. Lalduhawma Ralte, Zamuang
26) Rev. R. Lalrinmawia Vanzau Rev. P.C. Lalrinchhuanga, Vaphai
27) Rev. Laltanpuia Colney Rengtekawn Rev. Lalremruata, Thingdawl
28) Rev. Vanlalthlamuana Lungpho Rev. Lalnunmawia Pachuau, Khawlailung Dinthar
29) Rev. Vanlalmuanawma Tlabung Zodin Rev. H. Lalmuanchhana, Lunglei Venglai
30) Rev. Lalramliana Pachuau Ramhlun Rev. K. Lalzuala, Ramhlun Venglai
31) Rev. C. Lalsangliana Ramhlun North Rev. Zawlthuama, Bawngkawn
32) Rev. Lalchhawnkima Ramhlun Vengthar Rev. C. Vanlalhruaia, Ramhlun Vengchhak
33) Rev. Lianhmingthanga Sailo Chawnpui Rev. Robawiha, Vaivakawn
34) Rev. H. Zothansanga Luangmual Rev. C. Lianzuala, Kanan
35) Rev. C. Lalramchhana Keitum Rev. S.R. Lalkailuaia, Dawrpui Vengthar
36) Rev. Lalramdinthara Colney Champhai Vengthlang Rev. Vanlalzuata, Sr. Executive Secretary
37) Rev. R. Lalhmingthanga Director, FG&CC Rev. Lalzuithanga, Executive Secretary
38) Rev. Lalsangmuana Lungleng I Rev. Lalneihvura, Venghnuai
39) Rev. Laldailova Chaplain, Civil Hospital Rev. Zosangliana Colney, Executive Secretary
40) Rev. Laldintluanga Lecturer, ATC Principal, ATC
41) Rev. Lalrammawia Kelkang Rev. C. Lalremruata, Champhai Bethel
42) Rev. K. Ramdinthara Lecturer, ATC Principal, ATC
43) Rev. V.L. Krosschhuanmawia Campus Ministry Sr. Executive Secretary
44) Rev. R. Ramnghinglova FG&CC Rev. Lalzuithanga, Executive Secretary
45) Rev. Ricky Lalchhanchhuaha Pukzing Rev. Thangchhuaka, Lallen
46) Rev. Vanlaltana Tlabung Chawnpui Rev. Lalthanzuala Chawngthu, Lungsen
47) Rev. David Saithuama Pachuau Tuidam Rev. Lalzuithanga, Executive Secretary
48) Rev. Lalbiakhlira Tuithumhnar Rev. Dr. C. Chawnghmingliana, A/S
49) Rev. C. Lalruatkima Zawlpui Rev. F. Lalchhuanmawia, Lunglei Chanmari
50) Rev. E. Ramchullova Rengdil Rev. Thangzauva, Moderator

BIAL/PASTOR INDUCTION & PRO. PASTOR DAHNGHEH

January  14  (inrinni),2012  hian  Pastor  Bial  thar  hawn  leh  January  15  (Pathianni)  ah  Pastor  Induction
hetiang  hian  neih a  ni ang :
S/n         Bial  Hming                                  Hawn  ni              Hawngtu
1)            Ramhlun  Vengthar  Bial                14.1.2012             Rev.  C.  Vanlalhruaia,  Ramhlun  Vengchhak
2)            Tuithumhnar  Bial                          14.1.2012             Rev.  Dr.  C.  Chawnghmingliana,  A/S
3)            Kawlkulh  North  Bial                   14.1.2012             Rev.  H.  Lalrinmawia,  Secretary  (Jr.)
4)            Tuidam  Bial                                 14.1.2012             Rev.  Lalzuithanga,  Executive  Secretary
5)            Rengdil  Bial                                 14.1.2012             Rev.  Thangzauva,  Moderator
6)            Agartala  Bial  (Tripura)                14.1.2012             Rev.  Vanlalzuata,  Sr.  Executive  Secretary
7)            Saisimdung  Bial  (Tripura)            14.1.2012             Rev.  C.S.  Rila,  Noagang
8)            Manu  Bial  (Tripura)                   14.1.2012             Rev.  Chawngmunrai,  Ruprai
9)            Karbinda  Bial  (Jharkhand)         14.1.2012             Rev.  P.B.  Zosapthara,  Field  Secretary
10)          Khagaria  Bial  (Patna)                     14.1.2012             Rev.  R.  Lalhmingsanga,  Field  Secretary

MKHC General Meeting

13.12.2011 (Thawhlehni) chawhma dar 11:00 khan Synod Committee Room No. 1-ah Mizoram Kohhran Hruaitute Committee (MKHC) chuan General Meeting vawi 23-na an nei. He Meeting hian MKHC hma lo lak tawhnate a bua siam a rel a. Independent Church of India (ICI) leh Evangelical Free Church of India (EFCI) ten MKHC member nih an dilna chu remtih a ni bawk. Kum 2012 term atan hruaitu thar hetiang hian an inthlang
Chairman                 Rev. Thangzauva, Synod Moderator
Vice Chairmen         Rev. F. Sangvela (BCM)
                               Col. Lalngaihawmi (SA)
Secretary                Rev. R. Lalrinsanga (UPC-NEI)
Jt. Secretaries         Upa Lalnilawma Colney (SDA)
                              Pu B. Thangtinliana (Catholic)
Treasurers              Rev. B. Zazawna Lai (LIKBK)
                              Rev. P. Riabi (ECM)

Friday, 9 December 2011

DIAKKAWN BIAL PASTOR TUR

Pastor R. Lalremruata
b. 5.7.66
B.Th., B.D.

1996  -  1998  Lunglei Chanmari P/P
1999  -  2003  Vanzau
2004  -  2006  ATS, Allahabad - B.D. zirin
2007  -  2011  Sateek
2012  -  Diakkawn



 

Thursday, 8 December 2011

Synod Thurel Tlangpui

Nakkum (2012) Synod Inkhawmpui chu Chanmari Bialin Chanmari Kohhranah an thleng ang a, a hun atan
November 28 - December 9 ruat a ni. Kum 2012 chhunga Synod Puipa turte hetiang hian ruat an ni :

Moderator Elect : Rev. Lalramliana Pachuau, Administrative Secretary, PCI, Shillong
Secretaries : Upa D.P. Biakkhuma (Sr.) & Rev. H. Lalrinmawia, Pastor i/c Mission Veng Bial (Jr.)
Finance Officers : Rev. Zosangliana Colney & Rev. Dr. Lalhmangaiha
Statistician : Upa C. Ngurthanmawia, Zemabawk
Executive Secretaries : Rev.Vanlalzuata & Rev.Lalzuithanga
Nimin (Dec. 7) tlai dar 4:00 thleng khan Pastoral leh General Agenda 2 an zo hman a, Vawiin (Dec. 8) chawhnu dar 1:00 thleng khan General No. 17 zawh a ni.

Thurel tlangpui te :
1. Synod Press leh Bookroom etc. hming thlak chu a ngai hian kal rawh se tih a ni a, Presbyterian Hospital hming Synod Hospital tiha thlak rem tih a ni thung.
2. Thisen thliar hranna (Blood component separator) lei rawtna chu lei tura rem tih a ni.
3. Home Mission zirlai - Nilai thupui Bu-a Beihrual thupui telh leh a thlawna sem tura pawm a ni.
4. Presbyterian Hospital dinhmun enthat te, Doctor-te hamthatna tur kawng zawn leh hospital mamawh Doctor hmuh theih nan hmalak rem tih a ni.
5. Synod Inkhawmpui Vantlang Pathian Biak Inkhawm hun tih danglam rawtna chu pawm a ni a,  (Dec. 8)
atanga hman tan nghal tur niin zan inkhawm tan hun nghet atan 6:30 p.m. pawm a ni.
6. Synod Inkhawmpui thlengtu tur kum 3 hmalama ruat lawk thu chu pawm a ni.
7. Sunday School zirlai bu-a Gregorian Calendar dah tura rawtna chu pawm a ni.
8. Thawktu lak tharte tan Pension dan thar siam rawtna chu SEC-in lo zir chiang se, Synod-a thlen leh tura tih a ni.

Pastor atana nemngheh thar tur te

Lalsangliana

lalsangliana
DOB 14.6.1975
Pa Hming Lianzama (L)
Nu Hming
Permanent Home Address Lallen
Thiamna M.A., B.D.
Awmna Kawlkulh (2009 - 2011)
Nupui Hming C. Ramropuii
Fa te Malsawmtluanga

Lalrodinga

lalrodinga
DOB 10.7.1976
Pa Hming Lalphunga Sailo(L)
Nu Hming
Permanent Home Address Saron Veng, Aizawl
Thiamna B.A., B.D., M.Th.,
Awmna Vathuampui (2009)
Thuampui Vathuampui (2010 - 2011)
Nupui Hming Lalremsangi
Fa te Timothy Lalrinhlua

Zomuansanga Chhangte

zomuansanga chhangte
DOB 9.7.1977
Pa Hming C. Thankhuma
Nu Hming C. Lalengmawii
Permanent Home Address West Phaileng
Thiamna B.A.(Hons), B.D.
Awmna Armed Veng (2009 - 2011)
Nupui Hming
Fa te

Lalvensanga

lalvensanga
DOB 29.9.1977
Pa Hming Upa P.C. Thangchhinga
Nu Hming Lalthuami
Permanent Home Address Khawhai Venglai
Thiamna B.Th., B.D.,M.Th.
Awmna Kolasib Diakkawn (2009 - 2011)
Nupui Hming 16.9.2011
Fa te

Ricky Lalchhanchhuaha

lalchhanchhuaha
DOB 14.3.1978
Pa Hming Upa Thanghmasaa
Nu Hming
Permanent Home Address Umpling, Shillong
Thiamna B.A.(Hons), B.D.
Awmna Sateek (2009 - 2011)
Nupui Hming A nei dawn
Fa te

S. Lalrinzuala

lalrinzuala
DOB 19.7.1978
Pa Hming S. Lalhmachhuana
Nu Hming
Permanent Home Address New Diakkawn, Kolasib
Thiamna B.Th., B.D., M.Th.
Awmna Muallungthu (2009 - 2011)
Nupui Hming
Fa te

David Saithuama Pachuau

DOB 1.1.1979
Pa Hming Upa P.C. Lallungmuana
Nu Hming
Permanent Home Address South Sabual
Thiamna B.A., B.D.
Awmna Bungkawn (2009 - 2011)
Nupui Hming K. Hmingthahluani
Fa te

Vanlalliana

vanlalliana
DOB 24.1.1979
Pa Hming C. Lalsangliana
Nu Hming Chhingkhumi
Permanent Home Address Tanhril Vengthar, Aizawl
Thiamna B.F.Sc., B.D.,
Awmna Hmuntha (2009 - 2011)
Nupui Hming Zonunmawii
Fa te

R. Lalfakawma

lalfakawma
DOB 16.8.1979
Pa HmingRev. R. Thangvunga
Nu Hming
Permanent Home Address Durtlang Mel - 5
Thiamna B.Sc., B.D.
Awmna Phullen Vengthar (2009 - 2010)
Chanmari (2011)
Nupui Hming
Fa te

Lalbiakhlira

lalbiakhlira
DOB 24.8.1979
Pa Hming Zoramthanga
Nu Hming Lalchhanhimi
Permanent Home Address Sakawrdai Chhim Veng
Thiamna M.A.(Eco), B.D.
Awmna Venghnuai (2009 - 2011)
Nupui Hming Hmanni ah nupui a nei a, a hming ka hre lo
Fa te

K. Zalawma

zalawma
DOB 29.9.1979
Pa Hming Thangzaliana
Nu Hming Ramchhanveli
Permanent Home Address Hnahlan
Thiamna B.A., B.D.
Awmna Zohmun (2009 - 2011)
Nupui Hming Lalremruati Kawlni
Fa te K. Lalrinawmi

Lalhriatpuia

lalhriatpuia
DOB 5.1.1980
Pa Hming Upa Lalchhuanthanga
Nu Hming
Permanent Home Address Darlawn
Thiamna B.A., B.D.
Awmna Mamit Hmunsam (2009 - 2011)
Nupui Hming Rebecca Lalrinmawii
Fa te

Vanlaltana

vanlaltana
DOB 5.9.1978
Pa Hming C. Lalramthanga
Nu Hming
Permanent Home Address Model Veng, Aizawl
Thiamna B.A., B.D.
Awmna Lungpho (2009 - 2011)
Nupui Hming Lianhmingthangi
Fa te

Lalnuntluanga Sailo

lalnuntluanga
DOB 7.10.1980
Pa Hming Lalzamlova Sailo(L)
Nu Hming Darpuii
Permanent Home Address Bawngkawn Chhimveng, Aizawl
Thiamna B.A., B.D.
Awmna Kawrtethawveng (2009 - 2011)
Nupui Hming C. Lalzikpuii
Fa te 1) Lalhmangaihsanga

C. Lalruatkima

lalruatkima
DOB 3.12.1980
Pa Hming C. Lalbiakmawia
Nu Hming
Permanent Home Address Durtlang Mel 5
Thiamna B.A., B.D.
Awmna Champhai Vengthlang (2009 - 2011)
Nupui Hming Lalawmpuii Khiangte
Fa te 1) C. Lalbiaktluangi

E. Ramchullova

ramchullova
DOB 26.1.1982
Pa Hming D. Lalthuama
Nu Hming
Permanent Home Address Zotlang, Aizawl
Thiamna B.A., B.D.
Awmna Khuangleng (2009 - 2011)
Nupui Hming
Fa te

Synod Inkhawmpui thlengtu inbuatsaihna

Nikum 2010 Synod inkhawmpuiin a rel, kum 2011, Synod inkhawpui vawi 88-na chu Khatla bialin thleng se la, Khatla Kohhran Biakinah nghah ni rawh se a tih atang khan Khatla Pastor bial chu phur takin kan inbuatsaih nghala. Bialtu Passtor, Pastor R.S. Rokima Kaihhruaina hnuaiah Organising Committee din nghal a ni. Committee chu Khatla Kohhran Hall-ah 26th Jan. 2011 (Nilaini), 7:00 a.m. khan a thu khawm nghal a,


Committee chuan, “Synod Inkhawmpui kan thlen tur hi Bial chhung Kohhran mipuite’n phurtak in thleng ila. Tin, ei leh in te leh inbuatsaihna kawng hrang hrangah te pawh hautak lutuk leh a uchuak laka in veng chungin zo tak erawh chuan thlen theih tum ila kan ti ” a ti a. Sub-Committee hrang hrang dinin, heng sub committee member atan hian bial chhunga kohhran hrang hrang atanga inruat a ni..Chung sub-committee te leh an sum hman dan tur (Budget) hetiang pawm a ni.
 
Sl NoSub-CommitteeBudget
1Pandal1,50,000
2Refreshment7,00,000
3Reception &Lodging1,20,000
4Ushering & Seat Arrangement80,000
5Light80,000
6Sound & Music1,00,000
7Information & Publicity20,000
8Banner & Decoration80,000
9Traffic & Security5,000
10Water & Sanitation30,000
11Prayer5,000
12Medical10,000
13Misceleneous20,000

Total Rs. 14,00,000 (Cheng Nuai sawm pali)

Heng budget te hi Bial chhunga kohhran pangaah pek dan tur in tuk a ni a. Rang takin pek tlak nghal vek a ni.
Ni 11.12.2011 Pathianni, Synod inkhawmpui tawp zanah Khatla Pastor Bial Zaipawlpui neih tum a ni a. Hemi atan hian hlapui “Aw, kawngte u inhawng ru” tih hla thlan a ni. Bial chhung kohhran tin zaipawl ten he hla hi an zir a ni.

Pandal Biak In tual (Pandal) ah palai 1,118 a thut theih na tur siam a ni.

Prayer Sub-Committee atang a rawtna angin Ni 13/11/2011 Pathianni zan kohhran inkhawmah synod inkhawmpui kan thlen tur pualin bial chhung kohhran tin te mahni kohhranah theuh thupui pakhat “Synod rorel palai ten kohhran leh ram tana mamawh an rel chhuah theih nan” tih thupui hmanga tawngtai a ni.
Pandal sak zawh hnu Ni 1/12/2011 zan dar 6:30 ah Organising committee, sub Committee leh an hnuaia chanvo nei zawng zawng te Pandal hlan pah in Pandal-ah tawngtai ho nise kan ti.

Mikhual thlen chungchangah Bial chhung kohhran tinah a remchan ang zela mikhual thlenna buatsaih a ni

Wednesday, 7 December 2011

Pro Pastor atana lak thar te


Synod Pastoral Committee thukhawm chuan Synod Inkhawmpuia chhawp chhuah turin Pro Pastor 17 an la thar a, Mizoram chhunga mi 13, Manipur Area-a mi 1 leh Synod Mission Board hnuaia thawk tur mi pathum lak an ni. Pro. Pastor lak tharte hi December 7, 2011 (Nilaini)-ah Synod Rorelna Floor-ah inlan theuh tura beisei an ni.
Pro Pastor atana lak tharte

1.K. Laltlankima                                Kolasib Diakkawn
2.Zoremliana Pachuau                       RulchawmTuivaw
3.Lalhmunmawia Pachuau                 Chanmari West
4.Laltlanthanga Zote                         Vanbawng
5.John Lalrinliana Paite                     Madanrting
6.Ngurthanmawia Sailo                     Baktawng Venghlun
7.H. Lalsanglura                               Sairang
8.C. Lalfakzuala                               N. Vanlaiphai
9.T. Lalremruata                              Vaphai
10.Lalsiamtluanga                            Serchhip
11.Solomon L. Chuaungo               Upper Republic
12.Lalnunsanga                              Durtlang North
13.Jeho M.S. Dawngliana               Thingsulthliah

SYNOD Mission Board hnuaia thawk tur te
14.H. Laldanmawia                         Biate    
15.Lalrintluanga                             Ramhlun
16.Jayanta Marak                           Katlicherra

Manipur Area a thawk tur
17.Thangneipau                            VaipheiLamka

SYNOD INKHAWMPUI TAN TA

Synod Inkhawmpui vawi 88-na chu Dec. 6, 2011 atang khan Khatla Kohhran Biak Inah neih tan a ni ta. Kumin Synod Inkhawmpui thlarau lam thupui hi ‘Thianghlimna’ (I Petera 1:15 & 16) a ni a, December  10 (Inrinni) zanah Rev. R. Lalhmingthangan a sawi ang. Kumin 2011 Synod Inkhawmpuia Synod Puipate chu :
Moderator Rev. Thangzauva
Secretaries Rev. P.C. Pachhunga (Sr.)
Upa D.P. Biakkhuma (Jr.)
Finance Officers Rev. Zosangliana Colney
Rev. Dr. Lalhmangaiha
Statistician Rev. C. Sangliana
Executive Secretaries Rev.Vanlalzuata
Rev.Lalzuithanga
te an ni.
Synod Inkhawmpui hi nikum atang khan Bial-in an thleng tan a,  nikum (2010) - ah Dawrpui Pastor Bialin Zarkawt Kohhranah thlengin kumin (2011) hian Khatla Bialin Khatla Kohhranah an thleng a ni.Tun tum Synod Inkhawmpuiah hian Presbytery hrang hrang atangin Palai 2025 an awm a, vawiin (Dec. 7) chawhma lam thlenga in report tawh chu 1835 an ni.
December 6 (Thawhlehni) Zan :
December 6 zanah Palai lawmna leh report inkhawm neih a ni a, Moderator tang lai Rev. C. Lalsanglianan palai lawmna thu sawiin kum 2011 chhunga Synod Report a pe bawk. Rev. C. Lalsangliana hian a hun chhungin Synod aiawha zin vawi 19 a nei a, kohhran 146 leh Mission Field 12 a tlawh bawk. Committee pawimawh vawi 170 a kaihruai hman a, Retreat leh Consultation programme lianah vawi 6 a tel hman bawk a ni.
Synod Inkhawmpui vawi 88-na thlenga Mizoram Presbyterian Kohhran dinhmun tlangpui chu hetiang hi a ni :
Presbytery : 43, Pastor Bial : 257, Kohhran : 1861, Minister : 450, Minister Bial nei : 266, Pro. Pastor : 49, Kohhran Upa : 5029, Pem Upa : 396, Dan zawh kim zat : 387869, Kohhran member : 578474, Chhungkua :  118190, Nau piang : 10104, Ringthar : 6373.
Bethlehem Bial Zaipawl leh Mizoram Synod Choir-ten Pathian fakna hla an rem a, Rev. R.S. Rokima, Khatla Bialtu Pastor-in malsawmnain hun a khar a ni.
December 7 (Nilaini) Chhun :
Vawiin (Dec. 7) chawhma inkhawmah Moderator kal chhuak tur Rev. C. Lalsanglianan Moderator Elect Rev. Thangzauva hnenah Moderator mawhphurhna a hlan a, Inkhawmpui Rorel neih zui a ni a, nakkum (2012) Synod Inkhawmpui chu Chanmari Bialin Chanmari Kohhranah an thleng ang a, kum 2012 chhunga Synod Puipa turte hetiang hian ruat an ni :
Moderator Elect Rev. Lalramliana Pachuau, Administrative Secretary, PCI, Shillong
Secretaries Upa D.P. Biakkhuma (Sr.)
Rev. H. Lalrinmawia, Pastor i/c Mission Veng Bial (Jr.)
Finance Officers Rev. Zosangliana Colney
Rev. Dr. Lalhmangaiha
Statistician Upa C. Ngurthanmawia, Zemabawk
Executive Secretaries Rev.Vanlalzuata
Rev.Lalzuithanga
Vawiin (Dec. 7) tlai dar 4:00 thlenga palai in-report zat chu 1844 an ni a, chhimtu 4 an vaiin 1848 an ni. December 10 (Inrinni) thlengin chhun lamah Inkhawmpui Rorel neih thin a ni ang a, zanah Pathian Biak Inkhawm a awm thin ang. Pathianni (Dec. 11) chawhmaah Pastor nemngheh leh Pro. Pastor dahngheh inkhawm neih a ni ang a, chawhnu inkhawmah Moderator thar Rev. Thangzauvan Lapa Zanriah Sakramen a theh ang