Saturday, 7 January 2012

Kumthar chibai

                                                                                                                           - Lalmalsawma
    Kumthar duhawm tak min hruai thlengtu Pathian hnen ah lawmthu awm rawh se. Kohhranhoten Pathian rawng  kan bawlhona kawngah hmathar kan kai theuh theih nan, ahmasa berin Peniel Editorial Board ten Peniel chhiartu zawng zawng te chibai kan buk e..
    Kan Kohhran chhunga rawngbawlna hrang hrang ah hian, hmasawnna tam tak a awm rualin, a ngai reng leh hmasawnlo te pawh a awm mai thei a ni, kan mihring mihrinna hi chuan duh khawplo leh phut tam tak kan nei ang, mahse heng zawng zawng ah hian a khawngaihna kang ve ngailo changtu kan nih avangin, beiseina nunga amah nghak fan fan thintu kan nih zel pawh a pawimawh ber ang.
    Hringnun hian vullai ni nei mahse, Pathian thu a, kan hmuh angin hlobet par anga vuai leh mai tur kan nihna hi he kumthar ah hian i hre thar leh ang u. He khawvel kan cham chhung reilo te ah hian eng atana siam nge kan nih tih leh tuna kan nun kan hmandan hi ka duhthusam ve reng nge / Pathian thu ang zela nun ka tumna, tih hi kan in zawhna ni thei se, mihring thu hi chu atlo lova, a dawngsawngtu tan pawh chaw tak atlinglo fo thin, chuvangin kan unau leh kan fate, kan tute, kan thiante, kan rawngbawlpuite hnenah pawh hian Pathian thutak lanchhuahtir leh hman nachang hre tam ta deuh deuh ila, ava tha dawn em, a dawngsawngtu tan chaw tha a ni dawn si a, “ Lalpa thu erawh chu chatuan in a awm reng a ni” tih a ni si a, kan nun kawng hrang hrang kan hman na ah hian Pathian thu ang zelin aw tih tum ila....
    Pathian bawihte kan nih si chuan, Pathian thatna kan chunga kan hmuh mek, kan tih let ve tur awm chu, a tuarna tawmpuitu nun hi a ni, tuarna kawng pumpelh a, rawngbawlna kalpui tumna hian beidawnna leh lungawilohna min thlen thin, chuvangin,  kumthar chibai kan inbuk rual hian tuarna tawmpuitu nun kha hrereng turin kan in chah nghal a ni e.     Kumthar Lal Isua nen hmang ang che.....





0 comments: