Skip to main content

Sermon

AN THINLUNGA LALPA LAMLIAN AWM-A TE CHU
                           Sam 1:1-3       - Upa R.Vanlalmuka   

        Lalpa mi, Lalpa hnena awm nih kan duh a kan chak a, awm nih kan duhluatah awmbik, bik riau a inhriatna te, midangte awmve chang chang a ngai in awmve manglo dawn dawn a sawina leh hriatna neih a awl hle. Bing leh Bik riau hi Lalpa rilru anilo.Khawvel zawng zawng, thil siam te nen lam a hmangaih , chhandamtu nih hi Lalpa remruat chatuan thil tum a ni reng.Lalpa hian ama ropuina lan nan leh a Pathianzia lantir nan bel ruat te chu  nei na meuh a, hei pawh hi mi zawng zawng chhandam an nih theih nan a hmanrua a ni.
    Thlarau Thianghlim pawlna leh kaihhruaina Lalpa mi nihna tak tak ram a chengte chuan "Sawitur ka nei lo,diltur ka neilo, ka lawm e, misual ka ni  tih te, Midang tana ngensakna satliah nilo, hmangaihna leh duhsakna thinlung tak tak nen a ngensakna hmun  ah te Lalpa an pawl thin.
 Lalpa mi chu a hausa a Khawvel thil ah tlakchham ngah mahse a mamawh ngawih ngawih ve ngailo a, Hnatul ngah hle mahse Rokhawlhna leh hmanlohna in a chawkbuai lo thin .Midangte pawhin an tih ve thin ah tehfung a lek ngailo a, Mi tihdan in a tibuai ngailo.A tehfung chu Pathian thu BIBLE a ni a, Lal Isua nise engtinnge a tih ang tih hi a thupuiber a ni thin.
Sam 1-na in a sawi angin Lalpa mi te chuan  an lawmna  chu Lalpa danah a ni a, Lalpa dan thu chu a chhun a zanin an ngaih tuah thin.Keini Kohhran ho hian a chhun a zan a kan ngaihtuah tamber hi engnge ni ang? Kan hisap leh rilru ngaihtuahna sen tamnaber chu keimahniin kan hre theuh awm e.Diktak chuan tlawm ngamin , Lalpa mi ni ang a kan lan ang hian awm ngam ngat ila chuan kan ram hian malsawmna kan dawng ang a, Kan ram a thil tha awmte hi kan ei in kan haichhuak ang.   
    Tuiluang kiang a thingphun, a hunte a rah thin nun te hi kan sawi zing hle in mahni a nih mai tumlo in mi dangte nen nihrual vek kan tum a,midangte nih nan kan sawi uar hle thei fo.Ani tak a- he nun hi a thlakhlelhawmin a induhsak awm nangiang mai a, nih ho huk huk pawh a chakawm e.Nimahsela he nun nei tur chuan Kan lawmna leh hlimnaber te Lalpa danah a nih a ngai a, Lalpa dan thu te a chhun a zan a kan ngaihtuah thin a ngai tlat.Kei poh hian ka nun ka en hian Lalpa dan thu hi ka va ngaihtuah tlem em! Nang kohhran mi , Kohhran leh Lalpa tan a mi thahnem ngai tak hian engnge I dinhmun ni ve ? Vawiin ah hian Lapa ah lawm chungin a dan thute kan thil tih na zawng zawngah kan ngaihtuah ngai em aw!.
     Sam 15-na chuan Lapa In-a thlengtur mi leh A tlangthianghlim a awm tur mi a sawi chu Diktaka ti a,A rilru a thutak sawi mi a ni.Tin a leia mi rel ngailo a, a thian te chung a thil sual ti ngailo mi leh Veng leh Khua te sawichhe ngailo mi a ti a ni.  MIKA bu chuan  Pathian thil phut a sawi chu Dik tak a tih, Khawngaihna ngainat leh thuhnuairawlh te a ni. Diktaka tihtheih reng pawh hi kan duhamna a vang leh chapona a vang hian kan va tidiklo lui nasa em ve aw! Thiam inchan na kan zawng a, hun remchang dang atan chance kan zawng fo nite pawhin a lang.Kan diklona phen nan midangte tih dan kan en  fova, kan inthiamna tawngkam tamber pawh mite pawhin an ti vek a lawm tithe, Famkim lohna khawvel a nia famkim kana wm tak taklo tihte hi a nifo ta.Bible in engtin nge a tih? Lal Isuan engtin nge a tih ang tihfo hi Ringtu, Lapa mi, Kohhran ho thutlukna tur chu a ni ang.
    Thute hi kan sawi huai huai a, kan sawi sup sup a ,kan sawi tam ang erawh chuan kan thang viau lemlo.Mutan keimahni ah a awm theuh a ni ang, inenfiah a ngai ani. Khawiah chuan nge kan sawi sup sup? Pathian ni ah Zirlai hmangin Sunday school Zirtirtu zawng zawng  Beginers a tang a Puitling thleng, Pathian ni chawhnu ah Thuhriltu a ruat ten, Pathian ni zan ah, Nilaini Zanah Thupui hawngtu leh Kohhran mipui sawihona hmangtute, Inrin zan ah leh Revival Team zawng zawng ten. Tin heng bakah hian Thalai Inkhawm apiangin thu sawi a ni a,Fellowship ah te leh Tlai tawngtai Inkhawm ah te, Hmeichhe Inkhawm ah sawi a ni ziah bawk.Pathianni ah ngat phei chuan Mizoram ah hian Thusawi Mi Singkhat vel kan awm ziah a, Kan Kohhranah pawh Pathianni a piang a Thusawi - Sunday school Zirtirtu zawng zawng nen Mi Sawmnga  vel kan awm thin tihna a nih chu.  Heti chung hian kan khawtlang  dinhmun chu Puanpho ven a ngai a, thlai a bo a,Vawkchawbel leh a chin a inbo chhawk a, Hmunphiah hmun takngial pawh an kekru a, Vantlang kawng kan zah heklo.-Biakin tual leh a chhung pawhin min ti tim eih talo!!! Maktak a ni ta.Chu chu Kristian khawtlang nun a ni si.Coruption te chu kan ngaisang tlat!! 
    Hetih lai mek hian, Kan Pathian Thu chuan-    Nangmah a chakna nei-Lalpa a chakna nei-Lalpa mi  chu an eng a thawl e, an thinlung a Lalpa Lamlian awma chu  Tahna ruam chu zawh mahsela Tuihna awmna te an chhar thin, Zion ah Pathian hma ah chuan an inlan fo thin  a lo ti a. Lalpa a chakna neimi te, Lalpa mite  erawh chu an eng a thawl si. Lalpa mite  hian nuam zawng zawng leh malsawmna zawng zawng kan ta anih mek lai hian Hrehawmna leh tawrhna, tihduhdah nekchep leh sawichhiat te pawh hi kan chanvo a ni tel tlat tih hriat reng a va tul em. Khawvel sualna sangzel kar ah kan leng a, Tisa mamawh leh tul kan ngah in a then phei chu Tisa a bawrhsawm sawm, mamawh ngah ngah kan ni lawi si a.Heti a nih mek lai hian Ringtu te chu hriat hran kan nih a tul si, a har thin ti rawh u.Kan Lalpa hian a AW hre thei turin min chenchilh reng a,Khawvel mit leh beng atang erawh chuan hriat theih a nilo , a inkawkalh tlat a-chu tak chu kan nun kawng a kross chu a ni si.Pathian aw kan nun kan hmanna ah hian Thlarauva  chhiar a ngai si thin. Lalpa mite hian Tahna ruam kan zawh fo a, Manganna leh Lungngaihna luipui kan dai fo thin. Nimahsela A tuite chu ri hum humin phul bulh bulh mahsela a fawn nasat a vangin Tlangte chu nghing dur dur mahsela, Lalpa mi te, Thinlunga Lapa Lamlian awm a te chuan kan hlau tur a nilo. Tahna ruam leh Lungngaihna hmun thleng mahila, Keini Zion fate chuan Tuihna awmna te kan lo chhar thei ta. Lalpa chu fakin awm rawh se.Lalpa Mite ze danglam hriat thiam har sawifiah theih siloh nun chu Korinth II Bung 4:8-10 ah kan hmu.
 Thing tamtak Luitui ring thin te chu tui a lo awmloh leh a lo kangchah in Ro rire in , Rah an chhuah thei thinlo. Mahse an thinlunga Lalpa Lamlian awma te erawh chuan Nunna Lui Krista ah Zung an kai a, Khawthal, Lum leh Tui kang hun pawh lo thleng mahse rah duhawmtak  an chhuah thin.Tui hna awmlohna hmun ah pawh tuihna kang ngailo, kuang liam reng an Chhar thin: Kross kaltlang a hmangaih  tuipui fawnin Kross a innghatte nun chu a chim reng thin.Lalpa chu fakin awm rawh se..



Comments

Popular posts from this blog

LALPA KOHNA

- Raymond Lalnunsiama
    Israel mipui ten Pathian hnenah Lal an dil a. Pathian in Benjamin a thlah a mi - thlahtute a tanga mi chak leh huaisen Saula chu Israel Lal atan a pe ta a. Lal Saula Lal hnuah chuan Israel mipuite pawh an thla a muangin, an hmelma Moab hote, Amona thlahte, Edom hote, Zoba hote, Philistia mite a do a,  Pathian in a awmpui avangin A thlekna leh a do apiang a hneh zel mai a ni. Aigupta sal atanga an chhuah laia lo dodaltute Amalek ho te kha Pathian in a theihnghilh hauh lo mai a; Lal Saula chu Amalek ho do tur leh A hmei a pa, an ranrual chena that chimit vek turin Lalpan a ti ta a. Amaherawhchu Lal Saula chuan Lalpa thuawih lovin, Amalek ho lal Agaga a man a, an ranrual zinga a thau tha tha an hawn a, a cher cher chauh a that a ni. Lal Saula chungah Pathian a lungni ta lo, Zawlnei kaltlangin Lalpa thu a awih loh avangin Israel te Lal atan Pathian in a hnawl tawh thu a lo thleng ta nghal a ni.

Sermon

ZUITU NIHNA
Matthai 6:33&34         - Lalmalsawma     Ringtute hian Isua Krista kan zui a hi enge a niha, enge kan dinhmun  tih leh,  Kohhranho anga, ama hnung kan zuihona kawngah te hian, kan tihtur te hi ama duhzawngin kan lo ti reng em ? tihte hi kan inen letna leh zawhna  ni thei se, engpawhni se,  zuitu nihna hi ilo ngaihtuah ho teh ang u..
I.Pathian duhzawng : Kan Pathian duhzawng nge kan ngaihtuah hmasaka, keimahni duhzawng tih hi  a ni. Kan thiltih hrang hrang ah hian, ka duhzawng hi kan Lalpa lawmtlak leh ka thil lo tih mek hi ama min pawmpui theih tura, ama hnena  dil tha leh fo thin mi ka nih chuan, ka mihring mihrinna hi a chak hle a, ka thil tih tur ah hian,Pathian ka dah hmasa thinlo a ni tih alang chiang hle a ni. Hei hi Ringtu tam tak kan chaklohna pawh a ni awm e. Engkima Pathian dah hmasak hi kan tihtur pawimawh a ni si a, thilte tham ber anga lang atanga, alian ber thleng mai hian kan Pathian hi kan dah hmasak a ngai a ni, chuta tang chuan Pathian duhzawng hi kan n…

KTP Committee vawikhatna thurel tlangpui

Committee vawi-1 na Minute Extracts - Dt. 3.1.2014 1. Treasurer Report a) Treasurer Report Sum neih zawng zawng-` 77947/- Sum hman chhuah -` 10225/- Balance-` 67722/- b) Audit Report Total Received-` 249575 Opening Balance-` 42002/- Grand Total-` 291577/-
Total Expenditure-` 214850/- Closing Balance-` 76727/- Grand Total-` 291577/-
2. January thla KTP inkhawm leh fellowship programme KTP Inkhawm Programme A hun:13/1/2014 (Member thar lawmna leh Faith Promise Campaign) Ahmun :Biak In Hruaitu:T/Upa R. Lalthlengliana, Leader |antu:Nl. C. Lalnunpuii, Br. Comt F/P Campainger:Nl. Lalrothili, Treasurer