Sunday, 26 February 2012

Editorial

KTP tena kan hun pawimawh leh apuala hun kan neih 22 February chu kan lo hmang liam ta mai a, hetih rual hian KTP member tam zawk te hian kan Day puala kan rawngbawlna pawh kan hre zo lo a      ang ta deuh mah mah a ni. Engpawh ni se, Thalai te hian in zirna tur leh ama rawngbawlna atan hian tih tur kan ngahzia, hriat chian deuh deuh atul tak zet a ni. Hun bik ah chauh nilo, eng hun ah pawh, khawi hmunah pawh hian kan rawngbawlna hna hi thawh tur a awm renga, chutih lai mek chuan kan rawngbawlna hi a ngai reng ni lovin, kan kal ngailohna hmun kan thlen ngai loh leh kan tih ngai loh te kan hmachhawn a ngai thin, min ko tu duhna kan hriat a ngai bawk a ni.
    Active member leh hruaitute hi beidawnna ruamah kan tlu lut fo va, kan hruai tur leh kan rawngbawlna  ah member hlate kan hnuh hnaih theih loh avangin , achhan leh vang te kan dapa, puh mawh tur kan zawnga , kan beidawng em em thin ni te pawhin a hriat thin. Petera  te pawh khan DIL ah sangha man tuma len an den bur bur a, tlaivar khawp hiala an den pawha engmah man lova, chau leh beidawnga an thutlai khan Lal Isua a lokala, Li thuk lamah deng rawh u a ti a. Rawngbawltute pawhin hei hi kan hriat atha, rawngbawlna ah kan beidawnga,hrehawm kan ti a, tih ngaihna kan hre lo thina, hruaitute kan mawhpuh a, member ten tih ngaihna kan hre lo thin, kan chauva kan beidawng thin, amaherawhchu kan tihtur erawhchu, Lithuk lama kan len te kan den leh hi a ni.

0 comments: