Wednesday, 7 March 2012

SEC Vawi 238-na thurel te

February 21 - 23 chhung khan Synod Executive Committee meeting vawi 238-na, J.M. Lloyds’ Hall, Synod Office-
ah neih a ni. SEC meeting-ah hian thurel pawimawh tak tak 50 lai a awm a, thurel pawimawh zual thenkhat :
1. Pastor a thawk lo tur pawh Theological Degree neite Ordain chungchang zirchiang turin mi 5 ruat an ni.
2. Pavalai Pawl Inkaihhruaina Dân chu zutmam ngai a la awm avangin June, 2012 Synod Executive Committee (SEC) - ah thlir leh tura dah a ni.
3. Synod hnuaia thawktute Living Allowance 15% of Basic Pay-a tihpun remtih a ni a, April 2012 atanga hman tan tur a ni ang. Hetih rual hian Manipur Area-a thawktute Living Allowance pawh a chunga mi ang khian tihpun remtih a ni bawk.

4. Pune Mizo Christian Fellowship (PMCF) te inkhawmna Biak In a kan avanga an bungrua kangral te chhawmdawl nan ` 1,00,000/- pek remtih a ni.
5. Central KTP Leader leh General Secretary (2012 - 2014) chhung atan heng mite hi ruat an ni -
Leader - Rev. Lalrinmawia, Maubawk
General Secretary- Upa Lalrinmuana, Coordinator i/c KTP
6. Central KTP-in Youth Recreation Centre hmun an dilna chu a thuphungin pek remtih a ni a. A hmun tur
erawh chu la ngaihtuah zui tur a ni ang.
7. Presbyterian Church of USA nena Partnership Agreement neih mek chu tihtawp a ni.
8. Mizoram Synod Choir din tan kum atan kum 1929 chu pawm a ni.
9. Church of South India (CSI) Bishop-te leh an nupuite, March 24 - 29, 2012 chhunga Aizawla Retreat rawn neih an dilna chu remtihsak a ni a, O.M.-in a hmun tur chu a lo ngaihtuah sak ang.
10. Synod Hospital-a Nurse zirlaite Book Grant pekna tur ruahmanna hetiang hian pawm a ni :
First Year - ` 4,000/- per annum
Second Year - ` 3,000/- per annum
Third Year - ` 2,000/- per annum
11. Ruihhlo do kawnga hma latute tha tichak zawnga hma lak dan tur chu Synod Social Front-in a tihhlawhtlin
dan kawng lo zawng tura rel a ni.
12. Synod Office, Lungleiah Bus dah rawtna chu tih hlawhtlin tura ruahmanna kalpui zel a ni.

0 comments: