Friday, 6 April 2012

Harhna Thlen Ni

April 4 (Nilaini) kha Harhna Thlen Ni a ni a, kumin hi kum 106-na a ni. Harhna Thlen Ni hi Kohhran hoten ni
pawimawha telh ve duhin Assembly nih lai atang tawhin vawi tam tak Synod Inkhawmpuiin a rel a; mahse a passed mai lo va. Hun a kal zel a. 1981 Synod-ah chuan Harhna Thlen Ni chu ni 4 nge ni 9 zawk tih thu-ah uluk zawka chhuia ngaihtuah turin Synod Executive Committee (SEC) chu ruat a ni a. SEC chuan 1982-ah a thlen leh a. 1951 Assembly lo rel tawh dante ngaihthlak a nih  hnuin, “Zorama Harhna lo thlen hmasakna ni chu April 4, 1906 a ni e, kan ti,” tiin an rel ta a ni. Kum tinin April 4-ah Harhna champha lawmna inkhawm hman a lo ni ta a ni. Kum 2006- ah phei chuan Harhna thlen Centenary ropui takin kan lo lawm tawh a ni. Kumin 2012-ah hian Mizoram Presbyterian Kohhran chuan zan inkhawmah ‘Harhna hi Thlarau Thianghlim hnathawh a ni’ (Joela 2:25-32; Tirhkohte 2:38-41) tih thupui an zirho a ni.

0 comments: