Friday, 6 April 2012

SYNOD SUM DINHMUN 2011 - 2012

Mizoram Presbyterian Kohhran chuan kum 2011-2012 tangka kum tawpah Synod-a Budget hrang hrang luh dan a chhut chhuak fel ta a. Budget hi a lut tha hle.

Pastoral Head-a sum hmuh tum zat chu Rs.39,75,86,600/- (Nuai sangthum zakua sawmsarih panga singruk sangruk zaruk) a ni a, hmuh zawng zawng chu Rs.52,40,74,150/- (Nuai sangnga zahnih sawmli singsarih sangli za sawmnga) a ni a; Budget khumna hi Rs.12,64,87,550/- (Nuai sangkhat zahnih sawmruk pali singriat sangsarih zanga sawmnga) a ni a, hei hi Budget atangin 31.81% a ni.
Mission Head-a sum hmuh tura ruahman zat chu Rs.35,58,24,700/- (Nuai sangthum zanga sawmnga pariat singhnih sangli zasarih) a ni a, hmuh zawng zawng chu Rs.42,17,14,680/- (Nuai sangli zahnih sawmpasarih singkhat sangli zaruk sawmriat) a ni a; budget khumna chu Rs.6,58,89,980/- (Nuai zaruk sawmkua pariat singriat sangkua zakua sawmriat) a ni a, hei hi Budget atangin 18.52% a ni.
Budget pum pui Pastoral leh Mission Head belhkhawma kum 2011-2012 Budget zat chu Rs.75,34,11,300/- (Nuai sangsarih zanga sawmthum pali singkhat sangkhat zathum) a ni a, hmuh zawng zawng chu Rs.94,57,88,830/- (Nuai sangkua sali sawmnga pasarih singriat sangriat zariat sawmthum) a ni a; budget khumna zat chu Rs.19,23,77,530/- (Nuai sangkhat zakua sawmhnih pathum singsarih sangsarih zanga sawmthum) a ni a, hei hi Budget pum pui atangin 25.53% a ni.
Head tinah Budget ruahman phak lohna a awm lo va, tha takin khum vek an ni. Pastoral Head chhunga Pathian Ram bika hmuh beisei zat chu Rs.31,02,14,100/- (Nuai sangthum za pahnih singkhat sangli za) a ni a, hmuh zawng zawng chu Rs.40,94,67,633/- (Nuai sangli sawmkua pali singruk sangsarih zaruk sawmthum pathum) a ni a, budget hi 32% zeta khum a ni. Buhfaitham atanga hmuh beisei zat chu Rs.7,00,00,000/- (Nuai zasarih) a ni a, hmuh zawng zawng chu Rs.8,68,37,566/- (Nuai zariat sawmruk pariat singthum sangsarih zanga sawmruk paruk) a ni a, budget hi 24% zeta khum a ni. Sacrament atanga hmuh beisei zat chu Rs.21,80,000/- (Nuai sawmhnihpakhat singriat) a ni a, hmuh zawng zawng chu Rs.33,86,280/- (Nuai zathum sawmthum singriat sangruk zahnih sawmriat) a ni a, budget hi 55.33%-in khum a ni. Sunday School atanga hmuh beisei zat chu Rs.24,00,000/- (Nuai sawmhnih pali) a ni a, hmuh zawng zawng chu Rs.30,20,206/- (Nuai sawmthum singhnih zahnih paruk) a ni a, budget hi 25.84%-in khum a ni. Inneihna atanga hmuh beisei zat chu Rs.1,30,000/- (Nuaikhat singthum) a ni a, hmuh zawng zawng chu Rs.1,74,158/- (Nuaikhat singsarih sangli za sawmnga pariat) a ni a, budget hi 33.97%-in khum a ni.
Kohhran Ramthar thawhlawm atanga hmuh beisei zat chu Rs.23,10,78,900/- (Nuai sanghnih zathum sawm singsarih sangriat zakua) a ni a, hmuh zawng zawng chu Rs.27,38,04,159/- (Nuai sanghnih zasarih sawmthum pariat sangli za sawmnga pakua) a ni a, budget khumna chu 18.49% a ni. Thawktu chawmna thawhlawm atanga hmuh beisei zat chu Rs.11,31,50,000/- (Nuai sangkhat za sawmthum pakhat singnga) a ni a, hmuh zawng zawng chu Rs.13,28,82,567/- (Nuai sangkhat zathum sawmhnih pariat singriat sanghnih zanga sawmruk pasarih) a ni a, budget khumna chu 17.44% a ni.
Dan Zawhkim pakhat zelin an thawh dan chawhruala thawhlawm thawh tam Bial 10-te chu- 1) Dawrpui Bial 2) Shillong Bial 3) Kohima Bial 4) Madanrting Bial 5) Mission Veng Bial 6) Ramhlun North Bial 7) Chanmari Bial 8) Electric Bial 9) Khatla Bial leh 10) Chhinga Veng Bial te an ni a. A pawisa faia thawh tam hrim hrima a sang Bial 10-te chu - 1) Chanmari Bial 2) Dawrpui Bial 3) Ramhlun North Bial 4) Chaltlang Bial 5) Electric Veng Bial 6) Mission Veng Bial 7) Khatla Bial 8) Chhinga Veng Bial 9) Bethlehem Bial leh 10) Republic Veng Bial te an ni. Bial hi 190 a awm mek.
Dan Zawhkim hisapa thawh tam lama Kohhran mal titha 10-te chu- 1) Duliajan 2) Dibrugarh 3) Kohima Mizo Kohhran 4) Zarkawt 5) Lawngtlai AOC Veng 6) Shillong Mizo Kohhran 7) Mokokchung 8) Damdep-I 9) Tuikhuahtlang leh 10) Khatla te an ni. Thawhlawm thawh tam hrim hrima Kohhran mal titha 10-te chu- 1) Chanmari 2) Ramhlun North 3) Mission Veng 4) Zarkawt 5) Electric Veng 6) Khatla 7) Chanmari West 8) Dawrpui 9) Chhinga Veng leh 10) Bungkawn te an ni. Kohhran hi 1030 a awm mek.

0 comments: