Monday, 29 October 2012

Editorial


Editorial :

Presbyterian Kohhran hi khawmpui Kohhran  tite pawhin kan sawi thina, kar kalta mai khan Presbytery Inkhawmpui hmun hrang hrang-ah neih a ni a. Kohhran hrang hrang atanga Palai ten rorelna hun tha tak an nei a, chu chu  Kohhranin rawng abawl zelna tur leh Kohhrante in sawh nghehna tur leh thanlen zelna tur atana thil pawimawhtak tak te pawh a ni.Heng zawng zawng hi kan Lalpa ram zauhna tur a ni tih hrereng chunga a bawhzuina hna hi Kohhran,mimal tinte hian kan mawhphurhna a ni nghal a ni tih hriat atha awm e.

Kristian Thalai Pawl te hi Kohhran kutke ni tur leh Kohhran hnathawhte tipuitling tura din kan nih ang ngei hian Kohhran hnathawh ngaihpawimawh hi kan nihdan tur a ni tih hriatnawnfo hi atha a. Kohhranin programme hrang hrang leh hmachhawp leh hawizawng pawh a nei ang, heng ah te hian Thalaite hi kan pawimawh em em a,Kohhran hmel lanna kan ni tih hi kan theihnghilh ang tih hi a hlauhawm thin.

Nu leh pa leh Thalai hruaitute ngei pawh hian kan tu kan fa, kan nau zawk ten thataka rawngbawlna an kalpui theihnan, eng ang ruahmanna nge kan siampuia, enge kan tihsak thin tih hi kan inzawhna ni se, thahnem ngaitaka fuiha, bei hram hram tu, he rawng kan bawlna ah hian kan mamawh a ni tih hria in chumi atan chuan anmahni chherchhuak tur hian, hruaitu zawk hian hma la ngam ila, chumi ah chuan telve zel thin turin inbuatsaih ila, chutichuan he rawngbawlna hi kei leh nangma thawhtur leh hlen tur a ni tih kan hretlang anga, kan rawngbawlna a kan thurel pawimawhtak tak pawh hi Lal Isua Krista zarah tih hlawhtlinin a awm zel ang.

0 comments: