Monday, 29 October 2012


PRESBYTERIAN   YOUTH   FELLOWSHIP 
YOUTH CAMP  REPORT 2012

Ahmun : Birsingki, Karbi Anglong, Assam
Ahun : 18-21 October 2012
Thlengtu : Presbyterian Youth fellowship, Karbi Anglong General Assembly
                          Administrative Area (KAGAAA)
Thupui   : Youth and Development  (Thalaite leh Hmasawnna)






Birsingki khua hi kum 1948 daih tawh khan Presbyterian Kohhran din ni tawhin tun dinhmunah hian in 78 vel an ni a, an khaw pum hian Presbyterian vek ni a sawi an ni.
Palai te hi Synod 10 (Sawm) atangin kan kal khawm a, Central KTP hi PYF ah chuan Mizoram Synod aiawhtu a ni a. Palai ni chunga, Zaia rawngbawlna nei turin Kolasib Diakkawn Pastor Bial Zaipawlte sawm an ni. Mizoram chhunga Pastor Bial KTP 28 atanga Palai 1 theuh leh Silchar atanga 1 nen, kan vaiin mi 63 kan kal a ni.
Tichuan, ni 17.10.2012 Nilaini tlai khan Pu Zohmangaiha, Central KTP leh PYF Committee Member ni bawk kaihhruaina hnuaiah Bus 2 leh Sumo 1 hmangin Mizoram kan chhuah san. Birsingki hi 18.10.2012 (Ningani) tlai 5:50 ah kan thleng.
Birsingki khua hi hmuh theihin Kohhran leh chhungtinte an lo inbuatsaih nasa hle mai a, Camp hi an ngai hlu a, Camp kan nei a ni tih hriatrengna turin Biak-In kawtah lung an phun hial a ni.
Kan thlen zan hi tan zan a ni nghal a, kan thlen tlai avang hian in tan hun chu sawn tlai (7:30 pm) a ni a, Rev. Dr.K.Lallawmzuala Leader PYF in kan Inkhawm a kaihruai a ni. Rev.Thangsiama Ngamlai chuan thupui ‘Youth and Development (Thalaite leh hmasawnna)’ sawi hawnna leh sawifiahna a nei a, kan mamawh bak hmasawnna kan um nasat lutuk avanga mihring, khawvel leh a chhunga chengten nasa taka kan chhiat pui mek thu a sawi a. Hmasawnna duhthusam-Pathian duh dan hmasawnna, khawvel leh a chhunga chengten rualkhai taka kan dawn theih tur kan neih theihnana kan ngaih pawimawh tur te sawi in, chumi tura tan lak a ngaih zia te a sawi.
19.10.2012 (Zirtwpni) zing dar 8:00 atangin Pandal-ah Devotion kan nei a. Devotion zawh ah hian ‘Sharing Of Experiences On The Theme’ tih thupui hmangin Unit (Synod) tin atangin Report kan ngaithla a. Kan aiawhin Tv.Lalrammuana Dawrpui Bialin hun a hmanga, thingpui in chawlh kan nei. Session I na tanin Rev. Dr. PBM Basaiawmoit-a’n ‘Development Is Liberation : Concepts and Types of Development’ tih thupui pawimawh tak min zirtir a, heta kan zir ber chu hmasawnna hi zalenna a nih thu leh hmasawnna an hrilhfiah dan hrang hrangte a ni. Thupui zir zawh hian Group 5 (panga) ah inthen in Group Discusion neih a ni.Chawhnu dar 1:30 ah Session 2 na kan tan leh a. ‘Effects of Development on Indigeneous People’ t thupuihmangin Dr.Lalrindiki Ralte, Associate Proffessor ATC in min zirtira.....(End of Part I)

0 comments: