Sunday, 13 January 2013


Chanchin Tha Thlen Ni
Nimin January 11 kha Chanchin Tha Thlen Ni a ni a. Mizorama Chanchin Tha rawn thlentu Rev. J.H. Lorraine (Pu Buanga) leh Rev. F.W. Savidge (Sap Upa) ten Mizoram an rawn thlen ni champha a ni. Rev. J.H. Lorraine (Pu Buanga) leh Rev. F.W. Savidge (Sap Upa) te hian January 11, 1894-ah Sairang an lo lut a. Pu Buanga leh Sap Upa ten Mizoram leilung an rawn rah ni hi hriat reng nan Mizoram Presbyterian Church Synod Inkhawmpui 1974 chuan January 11 chu kum tin Chanchin Tha thlen Ni-a hman a lo rel a, chuta tang chuan tun thlengin hman a la ni ta zel a. Kum 1994 khan Chanchin Tha thlen kum 100-na (Gospel Centenary) chu ropui taka lawm a ni nghe nghe a, kumin hi a kum 119-na lai a lo ni ta a ni. Chanchin Tha thlen ni chungchang hi nikum 2012 Synod Inkhawmpui vawi 89-na, Chanmari Kohhrana neih chuan Rev. William Williams-an Mizoram leilung a rah ni March 15, 1891 chu Chanchin Tha thlen ni atan a pawm a, hemi ni kalpui zel dan tur chu Synod Executve Committee kutah dah a ni.

0 comments: