COLLEGE VENG KTP

Kum kalta chhung khan engtiang chiahin nge i nun i lo hman tawh le, minhring ngaih ah chuan sual tawp khawk i lo ti pawh ani thei, mahse Lalpa ngaihah engtin nge ni ang. minhringte chhui fiah rual ani si lo, Kalvari kraws Paltlang lo chuan Vanram a luh theih dawn si lova, Kraws ler ah kan sual zawng zawng chhinfel ani tawh ang ngei khan , Isua Krista khan kan dan zawhfamkim theih loh te leh kan thil tih sualte chhingfel turin, misual nang leh kei in pa hmangaihna ang chhung kan luh theihna tur a hmangaihna avanga a lokal ani si a, chuvang chuan kum thar kan lo chuang kai ta a, he kum thar 2013 hian chuan nun thar nen a hun leh ni te hmang turin leh kan sualna ang ang a Isua Krista zarah Pa Pathian pan mai lo chu eng nge kan tih chuan ang, tih rilru pu a, thahnem ngaitaka kan theih tawp chhuah tur a bul tan leh turin i inbuatsaih theuh ang u.

         

Ringtu nun hi hrehawm tam tak paltlang tur leh hmachhawn tur kan ni tih hriat nawn fo atha. Ringtu nun hi zalen viau angin lang mahse, kan buante hi tisa leh thisen an ni si lo, he khawvel thim chunga roreltu a nih miau avangin, nun nghet kan neih a pawimawha, chuta tan chuan nitin, darkar tin hi Lal Isua hnena in kawltir leh kan Lalpa chakna rinchhana kan kal a ngai ta thin a ni. He khawvel duhna leh kan duhzawng tak hmangin setana hian min tihlawm tumin, min tihbuai a tum reng a, inveng reng chunga nun pawh kan hman thiam apawimawh awm e.

“ Kraws kawngzawh turin Kristan asawm che, 

i hnar mai dawn em ni hmangaihtu; 

keizawng harsatna karah chhel huai takin, 

ka puang zel dawn Krista chanchintha;” ti tu nun hi kan entawn tur a ni awm e.