Sunday, 13 January 2013


SMB-in Missionary Tirhchhuak
January 6 (Pathianni) chawhnu khan Synod Mission Board chuan Bungkawn Kohhran Biak Inah Missionary tirhchhuahna hun an hmang a, tun tumah hian mi 111 (Pastor 8 leh Missionary 103) tirhchhuah an ni. Missionary tirhchhuahna inkhawm hi SMB Secretary Rev. Lalchhuanmawian a kaihruai a, Pu Lalbiakenga Fanai, Asst. SMB Coordinator-in Missionary thlah turte inhmelhriattirna hun a hmang a. Synod Moderator Rev. Lalramliana Pachuau-in tirhchhuahna & fuihna thuchah tawi a sawi a, tirchhuahte aiawhin Missionary Pastor leh Missionary atangin thusawi tawi ngaihthlak a ni a, Bungkawn Bial Zaipawl leh Bungkawn Kohhran Zaipawlten hla an rem bawk. Rev. P.C. Pachhunga, Executive Secretary i/c Mission etc. in missionary-te puala tawngtaisakna hun a hmang a, Bialtu Pastor Rev. T.C. Laltlanzovan malsawmna sawiin hun a khar a ni. Heng missionary lak tharte hi January 7 – 10 chhungin J.M. Lloyd Hall, Synod Office-ah Orientation Training neihpui an ni a, an rawngbawlna atana tangkai tur hrang hrang zirtir an ni. Missionary lak tharte hi January 20, 2013 aia tlai lovah an hna zawm theuh tura tih an ni.

0 comments: