Skip to main content

Posts

Showing posts from May, 2013

BIAL Chhanchhuahna Camping

Diakkawn Bial KTP leh Kohhran Hmeichhia ten Chhanchhuahna Camping (Ruihhlo ngaite pual) 20th May atanga 1st June, 2013 thleng awh tur a buatsaih turah hetiang hian chanvo hrang hrang siam a ni. Chairman, Secretary leh kan Kohhran atanga sub committee a tel te:

1. Mess &  Supply:
Chairman : Pu James Vanlalruata
Secretary : Pu C. Lalpuiliana
College Veng a tanga tel : Pu Lalmalsawma

2. Medical & Sanitation
Chairman : Pi Hausiami
Secretary : Pi Lalrotluangi
College Veng a tanga tel : Pi Lalengzami

Diakkawn Pastor Bial Inkhawmpui vawi 27 na

Diakkawn Pastor Bial Inkhawmpui vawi 27 na, 26-28 April, 2013 chhung a  Vengthar Kohhran Biak Inah neih a ni a. Pastor R. Lalremruata hnen atangin Thlarau lam thupui - THlen chin atanga hmasawn’ tih ngaihthlak a ni a, Upa Lalbiakliana’ chiarman kalchhuakin thuchah a sawi bawk. Heng te hi thurel tlangpui te an ni
1. 2013 Bial Inkhawmpui Puipate
Chairman     :     Upa K. Zalawma
Secretaries     :     Upa HD Darrobuanga (Sr)
        Upa H. Lalremliana (Jr)
Treasurers     :     Upa Lalrinmawia Ngente (bial)
        Upa Rosiamliana (Bial Inkhawmpui)

2. 2014 Bial Inkhawmpui neihna hmun leh hun
A hmun     :     College Veng Kohhran Biak In
A hun     :     25 - 27 April, 2013
Thupui     :     Kohhran - Krista Taksa (Kolosa 1:18-24)

LALPA KOHNA

- Raymond Lalnunsiama
    Israel mipui ten Pathian hnenah Lal an dil a. Pathian in Benjamin a thlah a mi - thlahtute a tanga mi chak leh huaisen Saula chu Israel Lal atan a pe ta a. Lal Saula Lal hnuah chuan Israel mipuite pawh an thla a muangin, an hmelma Moab hote, Amona thlahte, Edom hote, Zoba hote, Philistia mite a do a,  Pathian in a awmpui avangin A thlekna leh a do apiang a hneh zel mai a ni. Aigupta sal atanga an chhuah laia lo dodaltute Amalek ho te kha Pathian in a theihnghilh hauh lo mai a; Lal Saula chu Amalek ho do tur leh A hmei a pa, an ranrual chena that chimit vek turin Lalpan a ti ta a. Amaherawhchu Lal Saula chuan Lalpa thuawih lovin, Amalek ho lal Agaga a man a, an ranrual zinga a thau tha tha an hawn a, a cher cher chauh a that a ni. Lal Saula chungah Pathian a lungni ta lo, Zawlnei kaltlangin Lalpa thu a awih loh avangin Israel te Lal atan Pathian in a hnawl tawh thu a lo thleng ta nghal a ni.